ଭୁବନେଶ୍ୱର,୬।୧: ରାଜଧାନୀ ଭୁବନେଶ୍ୱରରେ ଜଣେ ବିଲଡର୍ସଙ୍କୁ ୧ କୋଟି ଟଙ୍କା ଏବଂ ବିଳାସପୁର୍ଣ୍ଣ କାର୍ ଠକେଇ ଅଭିଯୋଗରେ ୱେବ ଖବରଦାତାଙ୍କୁ ଗିରଫ କରିଛି ଓଡ଼ିଶା ପୋଲିସର ଅର୍ଥନୈତିକ ଅପରାଧିକ ଶାଖା ଇଓଡବ୍ଲୁ। କଳିଙ୍ଗ କେସରୀ ରଥ ବ୍ୟକ୍ତି ଖବରଦାତା ସୁରଜିତ ଧଳଙ୍କ ନାମରେ ଅଭିଯୋଗ କରିଛନ୍ତି।
ସୂଚନାନୁସାରେ, ସରକାରୀ ଅନୁମତି ପ୍ରଦାନ ବାହାନା କରି ସୁରଜିତ ରଥଙ୍କଠାରୁ ଟଙ୍କା ମାଗିଥିଲେ। ପରେ ରଥଙ୍କଠାରୁ ସୁରଜିତ ୧ କୋଟି ଟଙ୍କା ଏବଂ ଦୁଇଟି ଦାମୀ କାର ନେଇଥଲେ। କିନ୍ତୁ ପରବର୍ତ୍ତୀ ସମୟରେ ରଥଙ୍କୁ ସରକାରୀ ଅନୁମତି ଦେଇନଥିଲେ, କି ତାଙ୍କୁ ଧରା ଛୁଆଁ ଦେଇ ନ ଥିଲେ।
ଏହାପରେ ଠକାମୀର ଶିକାର ହୋଇଥିବା ହୃଦୟଙ୍ଗମ କରି, ରଥ ଇଓଡବ୍ଲୁ ପାଖରେ ମାମଲା ରୁଜୁ କରିଥିଲେ। ଏଫ୍ଆଇଆରକୁ ଆଧାର କରି ଇଓଡବ୍ଲୁ ଅଧିକାରୀ ସୁରଜିତଙ୍କୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଛନ୍ତି। ତେବେ ଏହି ମାମଲାରେ ଇଓଡବ୍ଲୁର କୌଣସି ପ୍ରତିକ୍ରିୟା ମିଳିପାରି ନାହିଁ।