ଢେଙ୍କାନାଳ ଅଫିସ, ୪।୧୨-ଢେଙ୍କାନାଳ ଜିଲା ଗଁଦିଆ ବ୍ଲକ ଲାଉଲଇଠାରେ ସ୍ବେଚ୍ଛାସେବୀ ଅନୁଷ୍ଠାନ ‘ପ୍ରିୟ’ ପକ୍ଷରୁ ଦିବ୍ୟାଙ୍ଗ ଦିବସ ପାଳନ ଅବସରରେ ୭୯ଜଣଙ୍କୁ ଉପକରଣ ପ୍ରଦାନ କରାଯାଇଛି। ୪ଜଣଙ୍କୁ ବ୍ୟାଟେରି ଚାଳିତ ଗାଡ଼ି, ୬ଜଣଙ୍କୁ ଟ୍ରାଇ ସାଇକେଲ, ୧୩ଜଣଙ୍କୁ ହୁଇଲ୍ ଚେୟାର, ଜଣଙ୍କୁ ବ୍ରେଲି, ୬ଜଣଙ୍କୁ ଆଶାବାଡି, ୧୮ଜଣଙ୍କୁ ଫିଜିଓକିଟ୍, ୧୫ଜଣଙ୍କୁ ନିରାମୟ ସ୍ବାସ୍ଥ୍ୟବୀମା କାର୍ଡ, ୯ଜଣଙ୍କୁ ଜୋତା ପ୍ରଦାନ କରାଯାଇଥିଲା। ଜିଲା ସାମାଜିକ ସୁରକ୍ଷା ଅଧିକାରୀ ଶୁଭେନ୍ଦୁ ଖୁଣ୍ଟିଆ, ଅତିରିକ୍ତ ତହସିଲଦାର ଗିଟୁ ବେହେରା, ବ୍ଲକ ସାମାଜିକ ସୁରକ୍ଷା ଅଧିକାରୀ ଶ୍ୟାମସୁନ୍ଦର ସେଠୀ,
ଅନୁଷ୍ଠାନର ନିର୍ଦ୍ଦେଶକ ଟଙ୍କଧର ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।
ଡା. କୃଷ୍ଣବହ୍ଲଭ ଶତପଥୀ, ଭୌତିକ ଚିକିତ୍ସକ ଅନିତା ସାହୁ, ନିବେଦିତା ନାୟକ, କାଉନ୍ସିଲର ଇଲନପ୍ରଭା ସେନାପତି, ସ୍ନେହାଶ୍ରୀ ତରାଇ, ନର୍ସ ସୌଭାଗ୍ୟଲକ୍ଷ୍ମୀ ତରାଇ ପ୍ରମୁଖ ଏଥିରେ ସହଯୋଗ କରିଥିବାବେଳେ ରବୀନ୍ଦ୍ର କୁମାର ସାମଲ ଧନ୍ୟବାଦ ଦେଇଥିଲେ।
