ମୁମ୍ବାଇ: ‘ଆଶ୍ରମ ୩’ରେ ନଜର ଆସିଥିବା ଅଭିନେତ୍ରୀ ଇଶା ଗୁପ୍ତା ଏବେ ବେଶ ଚର୍ଚ୍ଚାରେ । କିଛିଦିନ ହେବ ବଡ ପରଦାରୁ ଦୂରରେ ଥିବା ଇଶା ପୁଣିଥରେ ଫେରିଛନ୍ତି । ତାଙ୍କର ମନମୋହକ, ଆକର୍ଷିତ, ସିଜଲିଙ୍ଗ ଓ ଦମଦାର ଅନ୍ଦାଜ ପାଇଁ ସେ ପ୍ରଶଂସକଙ୍କ ପାଖେ ବେଶ ପରିଚିତ । କିଛିଦିନ ହେବ ବଡ ପରଦାରୁ ଦୂରରେ ଥିଲେ ବି ସେ ସୋସିଆଲ ମିଡିଆରେ ଖୁ୍ବ୍ ଆକ୍ଟିଭ ରହିବା ସହ ପ୍ରଶଂସକଙ୍କ ସହ ଯୋଡି ହୋଇ ରହୁଥିଲେ । ଆଶ୍ରମ ୩ରେ ସେ ପୁଣିଥରେ ନଜର ଆସିବା ପରେ ଏବେ ଦର୍ଶକେ ତାଙ୍କୁ ଏକ ଭଲ ମୁଭିରେ ଦେଖିବାକୁ ଅପେକ୍ଷା ରଖିଛନ୍ତି ।
ଏବେ ଇଶାଙ୍କର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଯାହାକୁ ନେଇ ଚର୍ଚ୍ଚା ବି ଜୋର ଧରିଛି । ଭାଇରାଲ ଭିଡିଓଟି ଭିରଲ ଭୟାନୀ ଇନଷ୍ଟାଗ୍ରାମ ପେଜରେ ଶ୍ରେୟାର କରିବା ପରେ ଏହା ଭାଇରାଲ ହୋଇଛି । ଇଶାଙ୍କୁ ଏକ କ୍ଲିନକ ବାହାରେ ସ୍ପଟ କରାଯାଇଥିବା ବେଳେ ଏହିସମୟରେ ସେ କ୍ୟାମେରାକୁ ପୋଜ ଦେଉଥିବା ଦେଖାଯାଇଛି । ଏହି ସମୟରେ ଜଣେ କ୍ୟାମେରାମ୍ୟାନଙ୍କ ବିବାହକୁ ନେଇ କଥା ହୋଇଥିବା ବେଳେ ଇଶା କହିଛନ୍ତି କାହିଁକି ବିଚରା ବିବାହ କରିବ । ଏହି ଚିଟଚାଟରେ ଇଶା କ୍ୟାମେରାମ୍ୟାନଙ୍କୁ ବିବାହ ନ କରିବାକୁ ପରାମର୍ଶ ଦେଉଛନ୍ତି । ଏହାସହ ସେ କହିଛନ୍ତି ମୁଁ ବି ତ ବିବାହ କରୁନାହିଁ । ତେଣୁ ଏଥିରୁ ଅନୁମାନ କରାଯାଇଛି ଯେ ଇଶା ବୋଧହୁଏ ବିବାହ କରିବେ ନାହିଁ । ହେଲେ ଏହି ଭିଡିଓଟି ଦେଖିବା ପରେ ଭିନ୍ନ ଭିନ୍ନ ପ୍ରକାର କମେଣ୍ଟ ଦେଇଛନ୍ତି ତାଙ୍କ ପ୍ରଶଂସକ । ଆଉ କେତେଜଣ ତାଙ୍କୁ ବିବାହ କରିନେବାକୁ ପରାମର୍ଶ ବି ଦେଇଛନ୍ତି ।
