ଦ ହେଗ୍,୬।୪ : ଅନ୍ତର୍ଜାତୀୟ ପୋଲିସ ସବୁଠୁ ବିପଜ୍ଜନକ ବଜାରରେ ତାଲା ପକାଇଛି। ଏହି ବଜାରରେ ଲୋକଙ୍କ ଗୋପନୀୟ ତଥ୍ୟ ଚୋରି କରି ସାରା ବିଶ୍ୱର ହ୍ୟାକର୍ସମାନଙ୍କୁ ବିକ୍ରି କରାଯାଉଥିଲା। ୧୭ ଟି ଦେଶ ସହ ଜଡିତ ଏହି ଆଇନ ପ୍ରଣୟନକାରୀ ସଂସ୍ଥା ଜେନେସିସ ମାର୍କେଟ ବନ୍ଦ କରି ଏହାର ଭିତ୍ତିଭୂମିକୁ ଜବତ କରିଛି।
ଆମେରିକାର ଫେଡେରାଲ ବ୍ୟୁରୋ ଅଫ ଇନଭେଷ୍ଟିଗେଶନ (ଏଫବିଆଇ) ଏବଂ ଡଚ ନ୍ୟାଶନାଲ ପୋଲିସ (ପଲିଟି) ଙ୍କ ନେତୃତ୍ୱରେ ଏହି ଅନ୍ତର୍ଜାତୀୟ ସ୍ବିପ ଅପରେଶନ ସମୟରେ ୟୁରୋପୋଲର ମୁଖ୍ୟାଳୟରେ ଏକ କମାଣ୍ଡ ପୋଷ୍ଟ ପ୍ରତିଷ୍ଠା କରାଯାଇଥିଲା। ହ୍ୟାକରଙ୍କ ବିରୋଧରେ ବିଶ୍ୱବ୍ୟାପୀ କଟକଣା ଜାରି କରି ୧୧୯ ଜଣଙ୍କୁ ଗିରଫ କରାଯାଇଥିଲା। ଏହା ବ୍ୟତୀତ, ୨୦୮ ସମ୍ପତ୍ତି ଜବତ ହୋଇଥିଲା ।
ୟୁରୋପୋଲ ବିବୃତ୍ତି ଅନୁଯାୟୀ, ଜେନେସିସ ମାର୍କେଟ ସବୁଠୁ ବଡ ସାଇବର ଅପରାଧର ଅଞ୍ଚଳ ଥିଲା। ଜେନେସିସି ଡିଜିଟାଲ ଉତ୍ପାଦ ବିକ୍ରୟ କରିବାରେ ବିଶେଷ ଭାବରେ ମାଲୱେର୍ ସଫ୍ଟୱେର୍ ଦ୍ୱାରା ସଂକ୍ରମିତ କମ୍ପ୍ୟୁଟରରୁ ବାହାର କରାଯାଇଥିବା ବ୍ରାଉଜର୍ ଫିଙ୍ଗର ପ୍ରିଣ୍ଟ କାରବାର କରାଯାଉଥିଲା। ଏହି ଫିଙ୍ଗର ପ୍ରିଣ୍ଟରେ ପ୍ରାୟତଃ କୁକିଜ, ଇଣ୍ଟରନେଟ ପ୍ରୋଟୋକଲ ଠିକଣା, ପରିଚୟପତ୍ର ଏବଂ ଅନ୍ୟ ବ୍ରାଉଜର୍ କିମ୍ବା ଅପରେଟିଂ ସିଷ୍ଟମ ବିବରଣୀ ଅନ୍ତର୍ଭୂକ୍ତ କରାଯାଇଥାଏ। ସାଇବର ଅପରାଧୀମାନେ ଜାଲିଆତି ବିରୋଧୀ ସମାଧାନକୁ ବାଇପାସ କରିବା ପାଇଁ ବ୍ୟବହାର କରୁଥିଲେ।
