ରାୟଗଡ଼ା,୨୧ା୨(ସ୍ବ.ପ୍ର.):ଅନୁସୂଚିତ ଜାତି ଓ ଜନଜାତିଙ୍କ ଶିକ୍ଷା କ୍ଷେତ୍ରରେ ଜିଲା ମଙ୍ଗଳ ବିଭାଗ ସହାୟକ ହୋଇଥାଏ ା ହେଲେ ରାୟଗଡ଼ା ଜିଲା କାଶୀପୁର ବ୍ଲକରେ ଏହି ବିଭାଗର ଛାତ୍ରାବାସ ୪ ବର୍ଷ ପରେ ବି ନିର୍ମାଣ ହୋଇପାରୁନି। ଏଥିରୁ ଜିଲା ମଙ୍ଗଳ ବିଭାଗ କେତେ ତତ୍ପର ତାହା ବାରି ହୋଇପଡୁଛି। ଜିଲାର ବିଷମକଟକ ବିଧାୟକ ଜଗନ୍ନାଥ ସାରକା ବିଭାଗୀୟ ମନ୍ତ୍ରୀ ହୋଇଥିଲେ ମଧ୍ୟ ନିର୍ମାଣଧୀନ ହଷ୍ଟେଲ କାର୍ଯ୍ୟ ଶେଷ ହୋଇପାରୁନି କି ଏହା ପିଲାଙ୍କ କାର୍ଯ୍ୟରେ ଲାଗିପାରୁନି ା ଏନେଇ ସ୍ଥାନୀୟ ବାସିନ୍ଦା ତଥା ପିଲାଙ୍କ ଅଭିଭାବକ ଯେତେ ଗୁହାରି କଲେ ବି କିଛି ଫରକ ପଡ଼ୁନାହିଁ ା
କାଶୀପୁର ବ୍ଲକ ଅନ୍ତର୍ଗତ କାଶୀପୁର ସଦର ହାଇସ୍କୁଲ ଏବଂ ଶଙ୍କରଡ଼ା ପଞ୍ଚାୟତ ଅନ୍ତର୍ଗତ ପାଞ୍ଚାଳି ହାଇସ୍କୁଲ ଠାରେ ୧୦୦ ଶଯ୍ୟାବିଶିଷ୍ଟ ଛାତ୍ରାବାସ ନିର୍ମାଣ ପାଇଁ ୭୦ ଲକ୍ଷରୁ ଉର୍ଦ୍ଧ୍ୱ ଲେଖାଏ ଟଙ୍କା ବ୍ୟ ଅଟକଳ କରାଯାଇ ୨୦୧୯ରେ ଟେଣ୍ଡର ହୋଇଥିଲା। ଉକ୍ତ ଟେଣ୍ଡର ଏଚ୍ଏସ୍ସିଏଲ ନାମକ ଏକ ସଂସ୍ଥାକୁ ମିଳିଥିଲା ା ସେହିବର୍ଷ ଏହାର ନିର୍ମାଣ କାର୍ଯ୍ୟ ଆରମ୍ଭ ହୋଇ ବର୍ତ୍ତମାନ ସୁଦ୍ଧା କେବଳ ପିଲାର ନିର୍ମାଣ ଚାଲିଛି ା ଉକ୍ତ କାର୍ଯ୍ୟ ୨ ବର୍ଷ ମଧ୍ୟରେ ସାରିବାକୁ ନିୟମାବଳୀ ରହିଥିଲେ ମଧ୍ୟ ଏ ଯାଏ ପିଲାର ସମ୍ପୂର୍ଣ୍ଣ ହୋଇନାହିଁ। ଫଳରେ ଉକ୍ତ ବିଦ୍ୟାଳୟରେ ହଷ୍ଟେଲର ଅସୁବିଧା ରହୁଥିବାରୁ ବହୁ ଛାତ୍ରୀଛାତ୍ର ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି ା ଏନେଇ ଜିଲା ମଙ୍ଗଳ ଅଧିକାରୀ ଅଶୋକ ଶତପଥୀଙ୍କୁ ପଚାରିବାରୁ, ଟେଣ୍ଡର ପାଇଥିବା କମ୍ପାନୀ ଅଞ୍ଚଳର କେତେଜଣ ଠିକାଦାରଙ୍କୁ ସବ୍ରେ କାମ ଦେଇ ଚୁପ ବସିଛି ବୋଲି କହିଛନ୍ତି ା ତେବେ ଉକ୍ତ ନିର୍ମାଣ କାର୍ଯ୍ୟ ଅବଧି ମଧ୍ୟରେ ଶେଷ ହୋଇ ନ ଥିଲେ ମଧ୍ୟ ବିଭାଗୀୟ ମନ୍ତ୍ରୀ ଏବଂ ଅଧିକାରୀ ସଂପୃକ୍ତ ଠିକା ସଂସ୍ଥା ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବା ଅଞ୍ଚଳବାସୀଙ୍କ ମନରେ ସନ୍ଦେହ ସୃଷ୍ଟି ହୋଇଛି ା ରାଜ୍ୟ ସରକାର ଓ ଜିଲା ପ୍ରଶାସନ ଉକ୍ତ ହଷ୍ଟେଲ ନିର୍ମାଣ କାର୍ଯ୍ୟ ଶୀଘ୍ର ସାରିବାକୁ କାଶୀପୁର ବ୍ଲକ ବାସିନ୍ଦା ଦାବି କରିଛନ୍ତି ା
