ମୁମ୍ବାଇ,୧୫।୭: ବଲିଉଡ୍ ଅଭିନେତା ଆମିର ଖାଁ ତାଙ୍କ ଦ୍ୱିତୀୟ ପତ୍ନୀ କିରନ୍ ରାଓଙ୍କୁ ଛାଡ଼ପତ୍ର ଦେଇଛନ୍ତି। ତେବେ ଛାଡ଼ପତ୍ର ଘୋଷଣା ପରେ ମଧ୍ୟ ଦୁହିଁଙ୍କୁ ଏକାଠି ନାଚୁଥିବାର ଏକ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ଫିଲ୍ମ ଲାଲ୍ ସିଂ ଚଢ୍ଢାର ଲଦାଖ ସ୍ଥିତ ଶୁଟିଂ ସେଟ୍ରେ ଏଭଳି ଘଟିଛି। ଶୁଟିଂ ଶେଷ ହେବାପରେ ଆମିର ବ୍ରେକ୍ ନେଇ ସ୍ଥାନୀୟ ଲୋକଙ୍କ ସହିତ ନାଚଗୀତରେ ମଜ୍ଜି ରହିଥିଲେ। ଆମିର ଲଦାଖର ପାରମ୍ପରିକ ପୋଷାକ ପିନ୍ଧି ନାଚୁଥିବାରୁ ଏହି ଭିଡ଼ିଓ ଇନଷ୍ଟାଗ୍ରାମରେ ଅପଲୋଡ୍ ହୋଇଛି। ସୂଚନାଯୋଗ୍ୟ, ବିବାହ କରିବାର ୧୫ ବର୍ଷ ପରେ ଆମିର ଏବଂ କିରନ୍ଙ୍କ ମଧ୍ୟରେ ବିବାହ ବିଚ୍ଛେଦ ଘଟିଛି।