ନୂଆଦିଲ୍ଲୀ: ଉତ୍ତରପ୍ରଦେଶରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ଶିକ୍ଷକଙ୍କ ମୃତ୍ୟୁ ପରେ ବି ତାଙ୍କ ଆକାଉଣ୍ଟ ୧୮ ମାସ ଧରି ଦରମା ଆସିବା ଘଟଣା ଚର୍ଚ୍ଚାର ବିଷୟ ପାଲଟିଛି।
ମୃତ ଶିକ୍ଷକ ହେଲେ ଅରବିନ୍ଦ କୁମାର। ସେ ଉତ୍ତରପ୍ରଦେଶର ପିଲିବିଟ ସ୍ଥିତ ବିଲସାଣ୍ଡା ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିଲେ। ତାଙ୍କ ମତ୍ୟୁ ୨୨ ମେ’ ୨୦୧୬ରେ ହୋଇଥିଲା। ହେଲେ ଯେତେବେଳେ କୁମାରଙ୍କ ପତ୍ନୀ ଅନୁକମ୍ପା ଆଧାରରେ ଚାକିରି ପାଇଁ ଆବେଦନ କରିବା ସମୟରେ ଘଟଣା ବିଷୟରେ ଜଣା ପଡ଼ିଥିଲା। ରେକର୍ଡଗୁଡିକ ଯାଞ୍ଚ କରିବା ପରେ ମୌଳିକ ଶିକ୍ଷା ଅଧିକାରୀ (ବିଏସ୍ଏ) ଜାଣିବାକୁ ସବିଶେଷ ଜାଣିବାକୁ ପାଇଥିଲେ।
କୁମାରଙ୍କୁ ନଭେମ୍ବର ୨୦୧୭ ପର୍ଯ୍ୟନ୍ତ ଦରମା ମିଳିଛି। ବିଏସଏ ଦେବେନ୍ଦ୍ର ସ୍ବରୂପ କହିଛନ୍ତି, ଆକାଉଣ୍ଟ ବିଭାଗ ଦ୍ୱାରା ଏହାର ସମୀକ୍ଷା କରାଯାଉଥିବା ବେଳେ ଅନିୟମିତତା ଘଟଣା ସାମ୍ନାକୁ ଆସିଥିଲା। କୁମାର ୫ ନଭେମ୍ବର ୨୦୧୫ ରେ ଶିକ୍ଷକ ଭାବରେ ଡ୍ୟୁଟିରେ ଯୋଗ ଦେଇଥିଲେ। ୨୨ ମେ’ ୨୦୧୬ରେ ତାଙ୍କର ମୃତ୍ୟୁ ଘଟିଥିଲା। ହେଲେ ଆକାଉଣ୍ଟ ବିଭାଗ ତାଙ୍କ ମାସିକ ଦରମାକୁ ନଭେମ୍ବର ୨୦୧୭ ପର୍ଯ୍ୟନ୍ତ ତାଙ୍କ ବ୍ୟାଙ୍କ ଆକାଉଣ୍ଟକୁ ପଠାଇ ଆସୁଥିଲା।
ବିଏସଏ ଏହି ଘଟଣାକୁ ଗୁରୁତର ଭାବେ ଗ୍ରହଣ କରିଛି। ସେ ଏ ସମ୍ପର୍କରେ ବିସ୍ତୃତ ରିପୋର୍ଟ ଦାଖଲ କରିବାକୁ ବ୍ଲକ ଶିକ୍ଷା ଅଧିକାରୀଙ୍କୁ କହିଛନ୍ତି।