”ଆମେରିକାରେ ମଧ୍ୟ ଏତିକି ସୁବିଧା ନାହିଁ”; ଲକ୍ଷ୍ୟ ସେନଙ୍କ ସମେତ ଭାରତୀୟ ଆଥଲେଟଙ୍କ ଉପରେ ବର୍ଷିଲେ ପ୍ରକାଶ ପାଦୁକନ

ନୂଆଦିଲ୍ଲୀ,୫।୮: ଭାରତୀୟ ବ୍ୟାଡମିଣ୍ଟନ ତଥା ଅନ୍ୟ ଖେଳାଳିମାନେ ପ୍ୟାରିସ ଅଲମ୍ପିକ୍ସରେ ଏପର୍ଯ୍ୟନ୍ତ କୌଣସି ଖାସ ପ୍ରଦର୍ଶନ କରି ପାରି ନାହାନ୍ତି। ଖେଳାଳି ମାନଙ୍କର ଏଭଳି ନୈରାଶ୍ୟଜନକ ପ୍ରଦର୍ଶନ ପରେ ଅସନ୍ତୋଷ ପ୍ରକାଶ କରିଛନ୍ତି ପ୍ରକାଶ ପାଦୁକୋନ। ଅଲମ୍ପିକ୍ସ ଆରମ୍ଭର ୧୦ ଦିନ ହୋଇଯାଇଥିଲେ ମଧ୍ୟ ଭାରତ ଖାତାରେ ମାତ୍ର ୩ଟି ବ୍ରୋଞ୍ଜ ପଦକ ପଡିଛି। ଯାହା କେବଳ ସୁଟିଂରୁ ଆସିଛି।

ସୋମବାର ଅନ୍ୟତମ ପଦକ ଦାବିଦାର ଲକ୍ଷ୍ୟ ସେନ ମଧ୍ୟ ନିରାଶ କରିଛନ୍ତି। ବ୍ରୋଞ୍ଜ ମେଡାଲ ମ୍ୟାଚରେ ଲକ୍ଷ୍ୟ ପ୍ରଥମ ସେଟ ଜିତିଥିଲା ବେଳେ ପରବର୍ତୀ ଦୁଇ ସେଟରେ ହାରି ପଦକ ଜିତିବାର ସୁଯୋଗ ହରାଇ ଚତୁର୍ଥ ସ୍ଥାନରେ ନିଜର ଅଭିଯାନ ଶେଷ କରିଥିଲେ। ଏହାପରେ ପ୍ରକାଶ ପାଦୁକୋନ ଦେଶର ଖେଳାଳୀ ମାନଙ୍କର ପ୍ରଦର୍ଶନ ଉପରେ ପ୍ରଶ୍ନ ଉଠାଇ ଅସନ୍ତୋଷ ପ୍ରକାଶ କରିଛନ୍ତି। ସେ କହିଛନ୍ତି ଆମେରିକା ଖେଳାଳି ମାନଙ୍କୁ ମଧ୍ୟ ଏତିକି ସୁବିଧା ମିଳୁ ନ ଥିବ ଯେତିକି ଭାରତରେ ମିଳୁଛି।

ଗଣମାଧ୍ୟମ ସହିତ ଆଲୋଚନା କରି ସେ କହିଛନ୍ତି, ”ଏବେ ସମୟ ଆସି ଯାଇଛି କି ଖେଳାଳିମାନେ ଉତ୍ତରଦାୟିତ୍ୱ ହୁଅନ୍ତୁ। ବର୍ତ୍ତମାନର ଅଲମ୍ପିକ୍ସ ଏବଂ ପୂର୍ବ ଅଲମ୍ପିକକୁ ଦେଖିଲେ ଆପଣ ସରକାର ଏବଂ ଫେଡେରେସନକୁ ଦୋଷ ଦେଇ ପାରିବେ ନାହିଁ। ଯାହା ସେମାନେ କରି ପାରିବେ ସେମାନେ କରିଛନ୍ତି। ସେମାନେ ସୁବିଧା ପ୍ରଦାନ କରି ପାରିବେ କିନ୍ତୁ ଶେଷରେ ଖେଳାଳି ମାନଙ୍କୁ ପ୍ରଦର୍ଶନ କରିବାକୁ ପଡିବ। ସମାନ ପ୍ରତିଯୋଗୀଙ୍କୁ ସେମାନେ ଅନ୍ୟ ଟୁର୍ନାମେଣ୍ଟରେ ହରାଇ ଦେଉଛନ୍ତି କିନ୍ତୁ ଅଲମ୍ପିକ୍ସରେ ଏଭଳି କରି ପାରୁ ନାହାନ୍ତି। ଖେଳାଇମାନଙ୍କୁ ଆତ୍ମଚିନ୍ତନ କରିବା ଆବଶ୍ୟକ। ସେମାନଙ୍କୁ ଚିନ୍ତା କରିବାକୁ ହେବ କଁ ସେମାନେ ପର୍ଯ୍ୟାପ୍ତ ପରିଶ୍ରମ କରୁଛନ୍ତି। ଆପଣ ସେ ଦିଗରେ କାମ କରୁଛନ୍ତି କି।”

ସେ ଆହୁରି କହିଛନ୍ତି ସମସ୍ତ ଖେଳାଳିଙ୍କ ପାଖରେ ନିଜର ଫିଜିଓ, କଣ୍ଡିସନିଂ ଟ୍ରେନର, ନ୍ୟୁଟ୍ରିସିଆନ ଅଛନ୍ତି। ଆଉ କ’ଣ କରାଯିବ ? ମୋତେ ଲାଗୁ ନାହିଁ କି ଆମେରିକାରେ ସମେତ ଅନ୍ୟ ଦେଶରେ ଏଭଳି ସୁବିଧା ମିଳୁଥିବ। ମୁଁ ଆଶା କରୁଛି କି ଖେଳାଳିମାନେ ଅନୁଭବ କରିବେ ଏବଂ ଉତ୍ତରଦାୟୀ ହେବେ। ସେମାନଙ୍କୁ ପ୍ରଦର୍ଶନ କରି ଫେଡେରେସସନକୁ ଦେଖାଇବାକୁ ପଡିବ। ତେବେ ଏହା ସହଜ ହେବ ନାହିଁ, କାରଣ ଏଠାରେ ଏନେକ ଷ୍ଟାର ଖେଳାଳି ରହିଛନ୍ତି। ଯଦି ସେମାନଙ୍କୁ କୌଣସି ସୁବିଧା ମିଳୁ ନାହିଁ ତେବେ ତାହା ବଡ ବିଷୟ ହୋଇଯାଉଛି। କିନ୍ତୁ ଖେଳିମାନେ ଚତୁର୍ଥ ସ୍ଥାନରେ ଅଭିଯାନ ଶେଷ କରିବାରେ ମୁଁ ସନ୍ତୁଷ୍ଟ ନୁହେଁ। ଲକ୍ଷ୍ୟ ମେଡାଲ ଜିତି ପାରିଥାନ୍ତା କିନ୍ତୁ ସେ ସୁଯୋଗ ହରାଇଲା।”

“୬୪ ′ ରେ ମୀଲଖା ସିଂ ଏବଂ ୮୦ ଦଶକରେ ପିଟି ଉଷା ପରେ ଆମର ଅନେକ ଖେଳାଳି ଚତୁର୍ଥ ସ୍ଥାନରେ ଅଭିଯାନ ଶେଷ କରିଛନ୍ତି। ମୁଁ ଭାବୁଛି ଯେ ଏହା ସଠିକ ସମୟ ଯେ ଖେଳାଳିମାନେ ମଧ୍ୟ ଦାୟିତ୍ୱର ଗ୍ରହଣ କରନ୍ତୁ। ଏହି ଅଲିମ୍ପିକ୍ସର ଫଳାଫଳ ଏବଂ ପୂର୍ବର ଫଳାଫଳ ପାଇଁ, ଆପଣ ଫଳାଫଳ ପାଇଁ ଫେଡେରେସନ୍ ଏବଂ ସରକାରଙ୍କୁ ଦାୟୀ କରିପାରିବେ ନାହିଁ। ପାଦୁକୋନ୍ ଦର୍ଶାଇଛନ୍ତି ଯେ ଫେଡେରେସନ୍ମାନଙ୍କ ପାଇଁ ସେମାନଙ୍କ ପାଇଁ ଅଧିକ କରିବାକୁ ଦାବି କରିବା ପରିବର୍ତ୍ତେ ଏହା ପ୍ରକୃତରେ ଖେଳାଳିଙ୍କ ଉପରେ ଦୃଷ୍ଟି ରଖିବା ଏବଂ ଜିତିବାର ରାସ୍ତା ଖୋଜିବା ଉଚିତ।