ଚେନ୍ନାଇ,୨୫।୧୨: ଡିସେମ୍ବର ୪ରେ ହାଇଦ୍ରାବାଦର ସାା ଥିଏଟରରେ ଘଟିଥିବା ଷ୍ଟାମ୍ପଡେଡର ଏକ ସିସିଟିଭି ଫୁଟେଜ ସାମ୍ନାକୁ ଆସିଛି। ଏହି ୧୪ସେକେଣ୍ଡର ଭିଡିଓରେ କୌଣସି ଶବ୍ଦ ବା ବ୍ୟାକଗ୍ରାଉଣ୍ଡ ଭଏସ ନାହିଁ, କିନ୍ତୁ ଏଥିରେ ଜନତା ଫାଟକକୁ ଠେଲି ଜବରଦସ୍ତ ପ୍ରବେଶ କରିବାକୁ ଚେଷ୍ଟା କରୁଛନ୍ତି। ଫୁଟେଜରେ ମେଟାଲ ଗେଟ ଭାଙ୍ଗିଥିବାର ଦେଖାଯାଉଛି ଏବଂ ପ୍ଲାଷ୍ଟିକ ବୋତଲ ଏବଂ କାଗଜ ଖଣ୍ଡ ଭୂମିରେ ଏଣେତେଣେ ପଡିଛି।
ସୂଚନା ଅନୁଯାୟୀ, ଏହି ଭିଡିଓଟି ରାତି ପ୍ରାୟ ୯ଟା ୧୫ ସମୟର ହେବ ବୋଲି କୁହାଯାଉଛି, ଯାହା ଅଲୁ ଅର୍ଜୁନ ଥିଏଟରରେ ପହଞ୍ଚିବାର ୧୫ମିନିଟ ପୂର୍ବର। ଫୁଟେଜରେ ଏହା ଦେଖାଯାଉଛି ଯେ ସୁରକ୍ଷା କର୍ମୀମାନେ ଭିଡ଼କୁ ଅଟକାଇବାକୁ ଚେଷ୍ଟା କରୁଛନ୍ତି, କିନ୍ତୁ ଲୋକମାନେ ଜବରଦସ୍ତ ଆଗକୁ ବଢୁଛନ୍ତି। ସୂଚନାଯୋଗ୍ୟ, ଯେତେବେଳେ କିଛି ସମୟ ପରେ ଅଲୁ ଅର୍ଜୁନ ସେଠାରେ ପହଞ୍ଚିଥିଲେ, ସେତେବେଳେ ଏକ ଷ୍ଟାମ୍ପଡେଡ ଭାଙ୍ଗି ରେବତୀ ନାମକ ଜଣେ ମହିଳାଙ୍କ ମୃତ୍ୟୁ ଘଟିଥିବାବେଳେ ତାଙ୍କର ୮ବର୍ଷର ପୁଅ ଗୁରୁତର ଆହତ ହୋଇଥିଲେ। ସେ ଏବେ ବି କୋମାରେ ଅଛନ୍ତି।
