ଭଦ୍ରକ,୧୭।୧୧(ସନାତନ ରାଉତ): ଡିଜିଟାଲ ଯୁଗରେ ମଧ୍ୟ ପୁସ୍ତକର ବିକଳ୍ପ କିଛି ନାହିଁ ବୋଲି ଭଦ୍ରକ ଜିଲାପାଳ ଦିଲୀପ ରାଉତରାଏ କହିଛନ୍ତି। ଭଦ୍ରକ ସହର ମନମୋହନ ସଙ୍ଗୀତ ପରିଷଦ ପଡ଼ିଆରେ ଚାଲିଥିବା ୨୪ତମ ପୁସ୍ତକ ମେଳାରେ ଶନିବାର ଧରିତ୍ରୀ ଷ୍ଟଲ୍କୁ ଉଦ୍ଘାଟନ କରିବା ଅବସରରେ ଜିଲାପାଳ କହିଛନ୍ତି, ପୁସ୍ତକ ପଢ଼ିଲେ ଜ୍ଞାନର ପରିସୀମା ବଢ଼ିବା ସହ ବିଭିନ୍ନ ବିଷୟବସ୍ତୁ ଉପରେ ପିଲାମାନଙ୍କର ରୁଚି ବଢ଼ିବ। ବହି ପଢ଼ି ଅନେକ ଲୋକ ଜ୍ଞାନ ଆହରଣ କରି ସଫଳତାର ଶୀର୍ଷରେ ପହଞ୍ଚତ୍ଛନ୍ତି। ଧରିତ୍ରୀର ଏଭଳି ପ୍ରୟାସକୁ ସେ ପ୍ରଶଂସା କରିଛନ୍ତି।
ଅନ୍ୟତମ ଅତିଥି ଭାବେ ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ରମେଶ ଚନ୍ଦ୍ର ନାୟକ ଯୋଗଦେଇ କହିଥିଲେ, ଧରିତ୍ରୀର ବିଭିନ୍ନ ପ୍ରକାଶନ ପତ୍ରିକାକୁ ଷ୍ଟଲ୍ରେ ସ୍ଥାନିତ କରାଯାଇଛି। ପରିବେଶ ପ୍ରଦୂଷଣ ରୋକିବା ନେଇ ଧରିତ୍ରୀ ପକ୍ଷରୁ ଦିଆଯାଇଥିବା ସଚେତନତା ବାର୍ତ୍ତା ସ୍ବାଗତଯୋଗ୍ୟ। ଅନ୍ୟତମ ଅତିଥି ଭାବେ ପୁସ୍ତକ ମେଳା କମିଟି ସଭାପତି ଅଜୟ ନାୟକ, ସମ୍ପାଦକ ରୂପକ ବିହାରୀ ରାୟ, ଭଦ୍ରକ ସ୍ବୟଂଶାସିତ ମହାବିଦ୍ୟାଳୟର ପଦାର୍ଥ ବିଜ୍ଞାନ ପ୍ରାଧ୍ୟାପକ ଡ. କମଳାକାନ୍ତ ଜେନା ଓ ସାହିତି୍ୟକା ରାଧାରାଣୀ ମହାପାତ୍ର୍ର ଯୋଗଦେଇଥିଲେ। ଷ୍ଟଲ୍ରେ ଧରିତ୍ରୀ ପକ୍ଷରୁ ବିଭିନ୍ନ ବର୍ଷରେ ପ୍ରକାଶିତ ବିଶେଷାଙ୍କ ସ୍ଥାନିତ ହୋଇଛି। ଉଦ୍ଘାଟନୀ କାର୍ଯ୍ୟକ୍ରମରେ ଧରିତ୍ରୀର ଫିଚର୍ ସମ୍ପାଦକ ବୀରଭଦ୍ର ବିଶ୍ୱାଳ, ଉପବାର୍ତ୍ତା ସମ୍ପାଦକ ଜିତେନ୍ଦ୍ର କୁମାର ନାୟକ, ପ୍ରସାରଣ ବିଭାଗର ଆଲୋକ ପ୍ରସାଦ କାନୁନ୍ଗୋ, ଜିଲା ପ୍ରତିନିଧି ସନାତନ ରାଉତ, ବାସୁଦେବପୁର ପ୍ରତିନିଧି ନାରାୟଣ ପ୍ରସାଦ ବାରିକ୍, ଧାମନଗର ପ୍ରତିନିଧି ସନ୍ତୋଷ କୁମାର ମହାପାତ୍ର, ନଳାଙ୍ଗ ପ୍ରତିନିଧି ସାଇଶଙ୍କର ମହାକୁଳ ପ୍ରମୁଖ ଉପସ୍ଥିତ ଥିଲେ।
