ମୁମ୍ବାଇ, ୨୮।୯ : ଭାଜପାର ରାଷ୍ଟ୍ରୀୟ ସଚିବ ପଙ୍କଜା ମୁଣ୍ଡେ ତାଙ୍କ ଅଭିଭାଷଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିଷୟରେ ଉଲ୍ଲେଖ କରିଛନ୍ତି ଏବଂ ବର୍ତ୍ତମାନ ଏହା ଉପରେ ଆଲୋଚନା ଚାଲିଛି। ଖବର ମୁତାବକ ସେ ମଞ୍ଚରୁ ଏହା ଦେଇଛନ୍ତି ଯେ ‘ମୋଦି ଜୀ ମଧ୍ୟ ତାଙ୍କ କ୍ୟାରିୟର ଶେଷ କରିପାରିବେ ନାହିଁ’। ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନରେ ଏକ କାର୍ଯ୍ୟକ୍ରମରେ ଯୋଗଦେଇ ସେ ମହାରାଷ୍ଟ୍ରରେ ଏହା କହିଛନ୍ତି।
ଗଣମାଧ୍ୟମ ରିପୋର୍ଟ ଅନୁଯାୟୀ ସେ କହିଛନ୍ତି ଯେ ଯଦି ମୁଁ ଲୋକଙ୍କ ହୃଦୟ ଏବଂ ମନରେ ରୂହେ, ତେବେ ମୋଦିଜୀ ମଧ୍ୟ ମୋର ରାଜନୈତିକ କ୍ୟାରିୟର ଶେଷ କରିପାରିବେ ନାହିଁ … କଂଗ୍ରେସରେ ବଂଶବାଦ ଜାରି ରହିଛି। ମୋଦିଜୀ ବଂଶବାଦ ଶାସନ ଶେଷ କରିବାକୁ ଚାହାଁନ୍ତି … ମୁଁ ଏକ ରାଜନୈତିକ ପରିବାରରୁ ଆସିଛି, କିନ୍ତୁ ଯଦି ମୁଁ ଆପଣଙ୍କ ହୃଦୟ ଏବଂ ମନରେ ରହିଥାଏ ତେବେ ମୋଦିଜୀ ମଧ୍ୟ ମୋର ରାଜନୈତିକ କ୍ୟାରିୟର ଶେଷ କରିପାରିବେ ନାହିଁ ।
ଏହି ମାମଲା ମହାରାଷ୍ଟ୍ରର ବିଡ ଜିଲାର ଅମ୍ବାଜୋଗାଇର। ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନ ସମ୍ପର୍କିତ କାର୍ଯ୍ୟକ୍ରମରେ ସେ ମଙ୍ଗଳବାର ଏକ ସାଧାରଣ ସଭାକୁ ସମ୍ବୋଧିତ କରିଥିଲେ। ପ୍ରଧାନମନ୍ତ୍ରୀ ମୋଦିଙ୍କ ଜନ୍ମଦିନକୁ ଚାଳିଶ ଦିନ ପାଳନ କରିବାକୁ ଭାଜପା ନିଷ୍ପତ୍ତି ନେଇଛି। ଏ ନେଇ ଦେଶର ଅନେକ ରାଜ୍ୟରେ କାର୍ଯ୍ୟକ୍ରମ ଆୟୋଜନ କରିବାକୁ ଦଳ ନିଷ୍ପତ୍ତି ନେଇଛି।
ଭାଷଣରେ ପ୍ରଧାନମନ୍ତ୍ରୀଙ୍କ ଉଲ୍ଲେଖକୁ ନେଇ ଭାଜପା ନେତାମାନେ ଆପତ୍ତି କରୁଛନ୍ତି। ଅନ୍ୟ ଏକ ରିପୋର୍ଟ ଅନୁଯାୟୀ, ୨୦୧୯ ନିର୍ବାଚନରେ ପରାଜୟ ପରେ କାର୍ଯ୍ୟକଳାପ ଯୋଗୁଁ ମୁଣ୍ଡେଙ୍କୁ ଦଳ ପକ୍ଷରୁ ଦୂରେଇ ରଖାଯାଇଛି। ପାରିବାରିକ ଗଡ଼ ବୋଲି ବିବେଚନା କରାଯାଉଥିବା ପାର୍ଲି ଆସନରୁ ପରାଜୟ ପରେ ସେ ଅଭିଯୋଗ କରିଥିଲେ ଯେ ଏଥିରେ ଭାଜପାର ଭିତିରିଆ ଲୋକଙ୍କ ହାତ ଅଛି। ପ୍ରକାଶ ଯେ, ସେହି ସମୟରେ ଏସମ୍ପର୍କରେ ରାଜନୈତିକ ସର୍କଲରେ ଏକ ଆଲୋଚନା ହୋଇଥିଲା ଯେ ଭାଜପାରେ ଚାଲିଥିବା ପାଓ୍ବାର ପଲିଟିକ୍ସ ଯୋଗୁଁ ପଙ୍କଜା ପରାଜିତ ହୋଇଥିଲେ। ଯେହେତୁ ସେ ନିଜକୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବରେ ପ୍ରୋଜେକ୍ଟ କରୁଥିଲେ। ତେଣୁ ଏଭଳି କରାଯାଇଥିବା ଚର୍ଚ୍ଚା ହୋଇଥିଲା।
