କୋଟି କୋଟି ସମ୍ପତ୍ତିର ମାଲିକ ହୋଇ ସୁଦ୍ଧା ନିଜକୁ ଲେଟ୍ ନାଇଟ୍ ପାର୍ଟିରୁ ଦୂରେଇ ରଖନ୍ତି ଏହି ଅଭିନେତା: କାରଣ ଜାଣିଲେ…
09 ୧୯୭୭ ସେପ୍ଟେମ୍ବର ୯ରେ ଅମୃତସରରେ ଜନ୍ମଗ୍ରହଣ କରିଥିବା ରାଜୀବ ଓମ ଭାଟିଆ ଅର୍ଥାତ ଅକ୍ଷୟ କୁମାରଙ୍କୁ ବଲିଉଡର ଖିଲାଡି କିଙ୍ଗ୍ କୁହାଯାଏ। ଅକ୍ଷୟ ନିଜେ ବଲିଉଡରେ ନିଜର ସ୍ଥାନ ସୃଷ୍ଟି କରିଥିଲେ ଏବଂ ଆଜି ତାଙ୍କର ପ୍ରାୟ ପ୍ରତ୍ୟେକ ଫିଲ୍ମ କୋଟି କୋଟି ଟଙ୍କା ଆୟ କରୁଛି। ଅକ୍ଷୟ କୁମାର ଫିଲ୍ମ ‘ସୌଗନ୍ଧ’ ସହିତ ବଲିଉଡରେ ଡେବ୍ୟୁ କରିଥିଲେ। କିନ୍ତୁ ଫିଲ୍ମ ‘ଖିଲାଡି’ରୁ ପ୍ରକୃତ ପରିଚୟ ପାଇଥିଲେ। ଏହା ପରେ ଅକ୍ଷୟ ‘ଖିଲାଡିଓ କା ଖିଲାଡି’, ‘ଇଣ୍ଟରନ୍ୟାଶନାଲ ଖିଲାଡି’, ‘ଖିଲାଡି୪୨୦’, ‘ହେରା ଫେରି’, ’ଅଜନାବି’, ‘ରୁସ୍ତମ’, ‘ବେଲବଟମ୍’, ‘ବେବି’, ‘ଗୁଡ ନ୍ୟୁଜ୍’ ଭଳି ଅନେକ ଫିଲ୍ମରେ ଅଭନୟ ଯାଦୁ ଦେଖାଇଛନ୍ତି। ଅକ୍ଷୟ ତାଙ୍କର ଷ୍ଟଣ୍ଟ ଏବଂ କାର୍ଯ୍ୟ ପାଇଁ ଜଣାଶୁଣା।
ଆପଣଙ୍କୁ ଅକ୍ଷୟଙ୍କ ଫିଲ୍ମ ବିଷୟରେ ଜଣାଥିବ ତେବେ ଆଜି ତାଙ୍କ ସମ୍ପତ୍ତି ଏବଂ ମୂଲ୍ୟବାନ ଜିନିଷ ଯାହା ସେ ବହୁତ ପସନ୍ଦ କରନ୍ତି ସେ ସମ୍ପର୍କରେ ଜାଣନ୍ତୁ ….
ଅକ୍ଷୟ ପ୍ରାୟ ୧୭୩ କୋଟିରୁ ଊର୍ଦ୍ଧ୍ୱ ଟଙ୍କାର ମାଲିକ ଅଟନ୍ତି। ସେ ବିଶ୍ୱର ଚତୁର୍ଥ ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତା। ଅକ୍ଷୟ ତାଙ୍କର ଗୋଟିଏ ଫିଲ୍ମ ପାଇଁ କୋଟି ଟଙ୍କା ଚାର୍ଜ କରନ୍ତି, ଏହା ବ୍ୟତୀତ ସେ ବିଜ୍ଞାପନ ମାଧ୍ୟମରେ ମଧ୍ୟ କୋଟି କୋଟି ଟଙ୍କା ରୋଜଗାର କରନ୍ତି।
ଅକ୍ଷୟଙ୍କ ସମୂଦ୍ର ନିକଟରେ ଏକ ବଙ୍ଗଳା ଅଛି ଯେଉଁଠାରେ ସେ ନିଜ ପରିବାର ସହିତ ରୁହନ୍ତି । ଏହା ବ୍ୟତୀତ ଅକ୍ଷୟଙ୍କର ଚାରୋଟି ଫ୍ଲାଟ ଅଛି, ପ୍ରତ୍ୟେକର ମୂଲ୍ୟ ପ୍ରାୟ ୪.୫ କୋଟି ଟଙ୍କା । ଗୋଆରେ ଅକ୍ଷୟଙ୍କର ଏକ ବିଳାସପୂର୍ଣ୍ଣ ଘର ଅଛି ଯେଉଁଠାରେ ସେ ନିଜ ପରିବାର ସହିତ ଛୁଟି କାଟିବାକୁଯାନ୍ତି।
ଅକ୍ଷୟଙ୍କୁ ଯାନବାହାନ ବହୁତ ପସନ୍ଦ। ତେଣୁ ତାଙ୍କ ପାଖରେ ୭ ଜେନେରେଶନ ଫାଣ୍ଟମ ଅଛି, ଯାହାର ମୂଲ୍ୟ ପ୍ରାୟ ୯ କୋଟି ଟଙ୍କା । ଏହା ବ୍ୟତୀତ ତାଙ୍କ ପାଖରେ ମର୍ସିଡିଜ ବେଞ୍ଜ ୫ କ୍ଲାସ ମଧ୍ୟ ଅଛି ଯାହାର ମୂଲ୍ୟ ୧.୧୦ କୋଟି ଟଙ୍କା । ବେଣ୍ଟଲି, ରେଞ୍ଜ ରୋଭର ଭଳି ଦାମୀ ଗାଡ଼ି ତାଙ୍କ ପାଖରେ ରହିଛି।
କେବଳ ଏତିକି ନୁହେଁ ଅକ୍ଷୟ ଏକ ଘରୋଇ ବିମାନର ମାଲିକ ମଧ୍ୟ ଅଟନ୍ତି। ଏହାର ମୂଲ୍ୟ ପ୍ରାୟ ୨୬୦ କୋଟି । ଅକ୍ଷୟ ଏହାକୁ ଯାତ୍ରା ପାଇଁ ବ୍ୟବହାର କରନ୍ତି । ଅକ୍ଷୟ କୋଟି କୋଟି ସମ୍ପତ୍ତିର ମାଲିକ କିନ୍ତୁ ସେ ବିଶ୍ୱାସ କରନ୍ତି ଯେ ସ୍ବାସ୍ଥ୍ୟ ହେଉଛି ସବୁଠାରୁ ବଡ ଧନ। ତେଣୁ ସେ ନିଜକୁ ଲେଟ୍ ନାଇଟ୍ ପାର୍ଟିରୁ ଦୂରେଇ ରଖନ୍ତି । ଫିଟ୍ ରହିବା ପାଇଁ ଯୋଗ ସହିତ ପ୍ରତିଦିନ ସକାଳେ ବ୍ୟାୟାମ କରନ୍ତି । ଅକ୍ଷୟଙ୍କୁ ଫିଟନେଶ ଫ୍ରିକ୍ ବୋଲି କୁହାଯାଏ ଏବଂ ସେ ଲକ୍ଷ ଲକ୍ଷ ଲୋକଙ୍କ ପାଇଁ ପ୍ରେରଣା ।