ବାଲିଆପାଳ, ୬।୩(ସ୍ବ.ପ୍ର.): ପଦେ ପଦେ ଥିଲା ଜୀବନ ପ୍ରତି ବିପଦ। ବଙ୍କର ମଧ୍ୟରେ ୭ଦିନ ବିତାଇବାକୁ ପଡିଥିଲା। ରୁଷିଆ ପକ୍ଷରୁ ଗ୍ରେନେଡ୍ଗୁଡ଼ିକ ସେମାନଙ୍କର ବଙ୍କରଠାରୁ ମାତ୍ର ୩ଶହ ମିଟର ଦୂରରେ ମାଡ଼ ହେଉଥିବାରୁ ପ୍ରତିଟି ମୁହୂର୍ତ୍ତ କଟୁଥିଲା ଭୟ ଓ ଆଶଙ୍କା ମଧ୍ୟରେ। ଫେବୃୟାରୀ ୨୪ରେ ଯୁଦ୍ଧ ଆରମ୍ଭ ହେବା ପରେ ବିଭୀଷିକା ଏତେ ଭୟଙ୍କର ଥିଲା ଯେ, ଜନ୍ମମାଟିକୁ ଫେରିବାର ଆଶା ମଉଳି ଯାଇଥିଲା। ଏଭଳି ଲୋକଟାଙ୍କୁରା ଅନୁଭୂତି ବଖାଣିଛନ୍ତି ୟୁକ୍ରେନରୁ ଫେରିଥିବା ବାଲେଶ୍ୱର ଜିଲା ବାଲିଆପାଳ ବ୍ଲକ ଶ୍ରୀରାମପୁର ଗ୍ରାମର ବିବେକାନନ୍ଦ ପାତ୍ର ଓ ବସ୍ତା ବ୍ଲକ କାଏଣ୍ଡା ଗ୍ରାମର ଆକାଶ ପରିଡା। ଶନିବାର ସନ୍ଧ୍ୟାରେ ସେମାନେ ନିଜ ଜନ୍ମ ମାଟିରେ ପହଞ୍ଚତ୍ବା ପରେ ତାଙ୍କ ପରିବାର ଲୋକେ ଖୁସିରେ ଆତ୍ମହରା ହୋଇପଡିଥିଲେ। ଆକାଶ ୪ର୍ଥ ବର୍ଷ ଓ ବିବେକାନନ୍ଦ ୩ୟ ବର୍ଷର ଏମ୍ବିବିଏସ୍ ଛାତ୍ର। ଗତ ଫେବୃୟାରୀ ୨୪ତାରିଖରେ ଯୁଦ୍ଧ ଆରମ୍ଭ ହେବା ପରେ ସବୁ କିଛି ବଦଳିଯାଇଥିଲା। ଜୀବନ ବିକଳରେ ବଙ୍କର ମଧ୍ୟରେ ଆଶ୍ରୟ ନେବାକୁ ପଡିଥିଲା। ପ୍ରତି ମୁହୂର୍ତ୍ତ ପରିବାରର ସମସ୍ତଙ୍କ ମୁହଁ ଆଖିରେ ନାଚି ଉଠୁଥିଲା ବୋଲି ଉଭୟ କୋହଭରା କଣ୍ଠରେ କହିଥିଲେ। ୭ଦିନ ପରେ ଖର୍କିଭ୍ରୁ ବହୁ କଷ୍ଟରେ ଟ୍ୟାକ୍ସି ଯୋଗେ ପ୍ଲାଟଫର୍ମରେ ପହଞ୍ଚତ୍ବା ପରେ ସେଠାରୁ ଟ୍ରେନ୍ ଯୋଗେ ହଙ୍ଗେରୀ ବର୍ଡ଼ର ବୁଦ୍ଧାପେଷ୍ଟରେ ପହଞ୍ଚତ୍ଥିଲେ। ସେଠାରୁ ଗଙ୍ଗା ମିଶନରେ ଦିଲ୍ଲୀ ଆସିବା ପରେ ଜନ୍ମ ମାଟିରେ ପହଞ୍ଚତ୍ବାର ଆଶା ଅଙ୍କୁରୋଦଗମ୍ ହୋଇଥିଲା ଉଭୟ କୁହନ୍ତି।