ଆମେରିକାର ଓ୍ବିସ୍କୋନସିନ୍ ରାଜ୍ୟରେ ‘ଚିପ୍ଓ୍ବା’ ନାମକ ଏକ ହ୍ରଦ ଅଛି। ଯାହାକି ଏକ ଭାସମାନ ଦ୍ୱୀପ। ଏହି ଦ୍ୱୀପ ୪୦ ଏକର ପରିମିତ ସ୍ଥାନରେ ବ୍ୟାପିଛି। ଯାହାର ପୃଷ୍ଠଭୂମି ମାର୍ଶେ। ଏହି ଦ୍ୱୀପକୁ ‘ଚିପ୍ଓ୍ବା ଫ୍ଲୋଜ୍ ଫ୍ଲୋଟିଂ ବଗ୍’ ମଧ୍ୟ କୁହାଯାଏ। ଏହି ଦ୍ୱୀପ ବେଳେବେଳେ ଲୋକଙ୍କ ପାଇଁ ଏକ ସମସ୍ୟା ହୋଇଯାଏ, ଯେଉଁ କାରଣରୁ ଉକ୍ତ ଦ୍ୱୀପକୁ ପ୍ରତିବର୍ଷ ଡଙ୍ଗା ସାହାଯ୍ୟରେ ଠେଲିବାକୁ ପଡ଼େ।
ରିପୋର୍ଟ ଅନୁଯାୟୀ, ଏହା ଉପରେ ଏକ ଗୁରୁତ୍ୱପୂର୍ଣ୍ଣ ସେତୁ ନିର୍ମାଣ କରାଯାଇଛି। ଦ୍ୱୀପର ପୂର୍ବ ଏବଂ ପଶ୍ଚିମ ପାର୍ଶ୍ୱକୁ ସଂଯୋଗ କରୁଥିବା ଏହି ସେତୁ ହେଉଛି ଏକମାତ୍ର ଉପାୟ। ବେଳେବେଳେ ଏହି ଭାସମାନ ଦ୍ୱୀପ ଯୋଗୁ ଏହି ସେତୁ ବନ୍ଦ ହୋଇଯାଏ। ଯେଉଁଥିପାଇଁ ସେହି ସେତୁରୁ ଲୋକଙ୍କ ଗମନାଗମନ ବାଧାପ୍ରାପ୍ତ ହୁଏ। ଏଥିସହ ସ୍ଥାନୀୟ ଡଙ୍ଗା ଚାଳକମାନେ ମଧ୍ୟ ସେତୁରେ ପହଞ୍ଚିବାରେ ଅସୁବିଧାର ସମ୍ମୁଖୀନ ହୋଇଥାନ୍ତି। ସେଥିପାଇଁ ସେମାନଙ୍କୁ ପ୍ରତିବର୍ଷ ଡଙ୍ଗା ସାହାଯ୍ୟରେ ଏହି ଦ୍ୱୀପକୁ ଠେଲିବାକୁ ପଡ଼ିଥାଏ।
ପ୍ରାୟ ପ୍ରତିବଷ ୨୪ରୁ ଅଧିକ ସ୍ଥାନୀୟ ଡଙ୍ଗା ମାଲିକ ଏକତ୍ରିତ ହୋଇ ଦ୍ୱୀପର ପୂର୍ବ ଏବଂ ପଶ୍ଚିମ ପାର୍ଶ୍ୱକୁ ସଂଯୋଗ କରୁଥିବା ବ୍ରିଜରୁ ଦ୍ୱୀପକୁ ଦୂରକୁ ଠେଲି ଦିଅନ୍ତି। ଏହା ପ୍ରାୟ ପ୍ରତିବର୍ଷ ହୋଇଥାଏ। ଏଥିପାଇଁ ସମସ୍ତ ଲୋକଙ୍କ ଉଦ୍ୟମ ଆବଶ୍ୟକ ଏବଂ କେବଳ ସେତେବେଳେ ଏହି ଭାସମାନ ଦ୍ୱୀପକୁ ବ୍ରିଜରୁ ହଟାଇ ଦିଆଯାଏ। ସ୍ଥାନୀୟ ବ୍ୟକ୍ତି ଡେନି ରେଏସ କହିଛନ୍ତି, ଯେତେବେଳେ ତୁମେ ସକାଳେ ଏଠାକୁ ଆସିବ, ତାହା ଦେଖିବ ଯେ, ଜଳାଶୟଟି କେଉଁଠାରେ?’
ଯଦିଓ ଦ୍ୱୀପଟି ସବୁବେଳେ ଭାସୁଥିବା ପରି ଦେଖାଯାଏ ନାହିଁ। ଚିପ୍ଓ୍ବା ଫ୍ଲୋଜ ଓ୍ବେବ୍ସାଇଟ୍ ଅନୁଯାୟୀ, ହ୍ରଦର ଅନନ୍ୟ ଭାସମାନ ଦ୍ୱୀପରେ ଅନେକ ଗଛ ରହିଛି। ଯେତେବେଳେ ପ୍ରବଳ ପବନ ବହେ ଏହି ଗଛଗୁଡିକ ଜାହାଜ ପରି କାର୍ଯ୍ୟ କରନ୍ତି, ଯେଉଁ କାରଣରୁ ଦ୍ୱୀପ ଭାସିବା ଆରମ୍ଭ କରେ। ଏପରି ହେବା ଦ୍ୱାରା ଏଠାରେ ଥିବା ସେତୁକୁ ଅବରୋଧ କରେ। ଯେଉଁଥିପାଇଁ ଏହି ଦ୍ୱୀପ ଲୋକଙ୍କ ପାଇଁ ମୁଣ୍ଡବିନ୍ଧାର କାରଣ ପାଲଟିଛି। ଡଙ୍ଗା ସାହାଯ୍ୟରେ ଏହି ଦ୍ୱୀପକୁ ଠେଲିବା ଛଡ଼ା ଅନ୍ୟ ଉପାୟ ନ ତାଏ। ଗତ ବର୍ଷ ଭାସମାନ ଦ୍ୱୀପକୁ ବ୍ରିଜ୍ଠାରୁ ଦୂରେଇ ରଖିବା ପାଇଁ ୨୫ଟି ଡଙ୍ଗା ବ୍ୟବହୃତ ହୋଇଥିଲା।