ବଲାଙ୍ଗୀର ଅଫିସ, ୨୮ା୧୨: କଥାଶିଳ୍ପୀ ଡା. ମଞ୍ଜୁବାଳା ପଣ୍ଡାଙ୍କ ଗଳ୍ପ ସଙ୍କଳନ ପାରନାନୀ ଓ ଅନ୍ୟାନ୍ୟ ଗଳ୍ପ ଉନ୍ମୋଚିତ ହୋଇଛି ା ବଲାଙ୍ଗୀର ପୂଜ୍ୟପୂଜା ସଙ୍ଗଠନ ପକ୍ଷରୁ ସ୍ଥାନୀୟ ଲିଟେରାରୀ ଆଣ୍ଡ ସୋସିଆଲ କ୍ଳବ ପରିସରରେ ନାଟ୍ୟଭୂଷଣ ଜଗଦାନନ୍ଦ ଛୁରିଆଙ୍କ ସଭାପତିତ୍ୱରେ ଅନୁଷ୍ଠିତ ସାରସ୍ବତ ସମାରୋହରେ ମୁଖ୍ୟଅତିଥି ଭାବେ କବି ଭାଗିରଥି ମିଶ୍ର ଯୋଗଦେଇଥିଲେ। ସମ୍ମାନିତ ଅତିଥିଭାବେ ଗାଳ୍ପିକା ଅମୂଲ୍ୟମଣି ମିଶ୍ର ମଞ୍ଚାସୀନ ଥିଲେ। ସଙ୍ଗଠନ ସମ୍ପାଦକ ମଦନ ମୋହନ ରଥ କାର୍ଯ୍ୟକ୍ରମ ସଂଯୋଜନା କରିଥିଲେ। ସଭା ପ୍ରାରମ୍ଭରେ ପଣ୍ଡିତ ବ୍ରଜବିହାରୀ ତ୍ରିପାଠୀ ବେଦପାଠ କରିଥିଲେ। ଗାଳ୍ପିକା ପଣ୍ଡା ତାଙ୍କ ସାରସ୍ବତ ଜୀବନର ଅନୁଭବ ଉପରେ କହିଥିଲେ ା ଗପ ଭିତରେ କିଭଳି ମଣିଷ ଜୀବନ ଗତିଶୀଳ ହେଉଥାଏ ତାହା କହିଥିଲେ ା ସମ୍ମାନିତ ଅତିଥି ମିଶ୍ର ତାଙ୍କ ବକ୍ତବ୍ୟରେ କବିତା ଓ ଗଳ୍ପରେ ସ୍ବାତନ୍ତ୍ରତା ଉପରେ କହିଥିଲେ ା ମୁଖ୍ୟଅତିଥି ମିଶ୍ର ସବୁ ବ୍ୟକ୍ତି ଭିତରେ କବି ସତ୍ତାଟିଏ ଥାଏ ବୋଲି କହିଥିଲେ। ସଭାପତୀୟ ଅଭିଭାଷଣରେ ନାଟ୍ୟଭୂଷଣ ଛୁରିଆ ମଣିଷର ଅଭାବବୋଧଟି କିଭଳି ସାରସ୍ବତ ସମ୍ପଦ ହୋଇଯାଏ ସେ ଉପରେ କହିଥିଲେ। ଗଳ୍ପ ସଙ୍କଳନ ଉପରେ ଆଲେଳାଚନା କରି କବି ରତ୍ନମୟ ତ୍ରିପାଠୀ ଗାଳ୍ପିକାଙ୍କ ପାରନାନୀ ଓ ଅନ୍ୟାନ୍ୟ ଗଳ୍ପ ଭିତରେ କିଭଳି ସମାଜର ବିଭିନ୍ନ ବର୍ଗ ଓ ମଣିଷ ଜୀବନର ବିଭିନ୍ନ ବିଭବ ପ୍ରକାଶ ପାଇଛି ତାହା କହିଥିଲେ ା ସଭାରେ ଚୂଡେନ୍ଦ୍ର କୁମାର ବେହେରା, କସ୍ତୁରୀ ରଥ ଓ ଅନ୍ୟମାନେ ବିଶେଷ ସହଯୋଗ କରିଥିଲେ ା ସଭା ଶେଷରେ କବିତା ମିଶ୍ର ଧନ୍ୟବାଦ ଅର୍ପଣ କରିଥିଲେ ା ଏହି ସମାରୋହରେ ସହରର ବହୁ ସାହିତ୍ୟପ୍ରେମୀ ଓ ବୁଦ୍ଧିଜୀବୀ ଉପସ୍ଥିତ ଥିଲେ ା