ଇସଲାମାବାଦ,୨୯।୫: ପାକିସ୍ତାନର ପ୍ରତିଟି ବ୍ୟକ୍ତି ନରେନ୍ଦ୍ର ମୋଦି ନିର୍ବାଚନ ହାରି ଯାଆନ୍ତୁ ବୋଲି ଚାହାନ୍ତି। ସେମାନେ ମୋଦିଙ୍କୁ ହରାଇବା ଲାଗି ରାହୁଲ ଗାନ୍ଧୀ, ଅରବିନ୍ଦ କେଜ୍ରିଓ୍ବାଲ ଏବଂ ମମତା ବାନାର୍ଜୀଙ୍କୁ ଶୁଭକାମନା ଜଣାଇଛନ୍ତି। କିଛି ଏଭଳି ବୟାନ ଦେଇ ଚର୍ଚ୍ଚାରେ ପାକିସ୍ତାନର ପୂର୍ବତନ ମନ୍ତ୍ରୀ ଫଓ୍ବାଦ ଚୌଧୁରୀ। ତାଙ୍କର ଏହି ବୟାନକୁ ନିର୍ବାଚନ ପ୍ରଚାରରେ ପ୍ରସଙ୍ଗ ମଧ୍ୟ କରାଯାଉଛି। କଂଗ୍ରେସ, ଏଏପି ଏବଂ ଟିଏମ୍ସିକୁ ଭାଜପା ଟାର୍ଗେଟ କରୁଥିବା ଦେଖାଯାଉଛି।
ଫଓ୍ବାଦ କହିଛନ୍ତି, କାଶ୍ମୀର ହେଉ ଅଥବା ଭାରତର ବାକି ମୁସଲମାନ, ଏବେ ଯେଉଁଭଳି କଟ୍ଟରପନ୍ଥି ଚିନ୍ତାଧାରାର ସାମ୍ନା କରୁଛନ୍ତି, ସେଠାର ବାକି ଅଳ୍ପସଖ୍ୟକ ଏବେ ଯେଉଁଭଳି ସ୍ଥିତିର ସମ୍ମୁଖୀନ ହେଉଛନ୍ତି, ଏହା ଜରୁରୀ ଯେ ନରେନ୍ଦ୍ର ମୋଦି ନିର୍ବାଚନରେ ହାରିଯାଆନ୍ତୁ। ପାକିସ୍ତାନର ପ୍ରତିଟି ବ୍ୟକ୍ତି ତାହା ଚାହୁଁଛନ୍ତି। ଏହାଫଳରେ ହିନ୍ଦୁସ୍ତାନ ଏବଂ ପାକିସ୍ତାନର ସମ୍ପର୍କ ସୁଧୁରୀ ପାରେ। ପାକିସ୍ତାନରେ ବି, ହିନ୍ଦୁସ୍ତାନରେ ବି। ପାକିସ୍ତାନରେ ହିନ୍ଦୁସ୍ତାନକୁ ନେଇ ଘୃଣା ନାହିଁ, ହେଲେ ହିନ୍ଦୁସ୍ତାନରେ ଭାଜପା ଏବଂ ଆର୍ଏସ୍ଏସ୍ ପାକିସ୍ତାନକୁ ନେଇ ଘୃଣା ସୃଷ୍ଟି କରୁଛନ୍ତି, ମୁସଲମାନଙ୍କୁ ନେଇ ଘୃଣା ସୃଷ୍ଟି କରୁଛନ୍ତି। ଆମର ଦାୟିତ୍ୱ ହେଉଛି ଯେ ଏହି ଘୃଣାର ଯିଏ କର୍ତ୍ତାଧର୍ତ୍ତା ତାଙ୍କୁ ପରାଜିତ କରିବା।
ସେ ଆହୁରି ମଧ୍ୟ କହିଛନ୍ତି, ମୁଁ ଭାବୁଛି ଯେ ଭାରତର ଭୋଟର ମୁର୍ଖ ନୁହନ୍ତି। ତାଙ୍କୁ କେଉଁଥିରେ ଲାଭ ଜଣାନାହିଁ କି। ପାକିସ୍ତାନ ସହ ସମ୍ପର୍କ ଭଲ ହେବାରେ ଭାରତକୁ ଲାଭ। ଭାରତକୁ ଏକ ପ୍ରଗତିଶୀଳ ଦେଶ ଭାବେ ଆଗକୁ ବଢ଼ିବା ଉଚିତ, ଏଥିପାଇଁ ମୋଦି ଏବଂ ତାଙ୍କ ଉଗ୍ର ବିଚାରଧାରାକୁ ହରାଇବାକୁ ହେବ। ତାଙ୍କୁ ଯିଏ ବି ହରାନ୍ତୁ, ରାହୁଲ , କେଜରିଓ୍ବାଲ ନଚେତ ମମତା ବାନାର୍ଜୀ, ସମସ୍ତଙ୍କୁ ଶୁଭକାମନା।
IANS Exclusive
“…The benefit of the Indian voter lies in having a good relationship with Pakistan. India should move ahead as a progressive country, and that is why Narendra Modi and his extreme ideology need to be defeated. Whoever defeats him, whether it’s Rahul Ji, Kejriwal… pic.twitter.com/94HI0xUTTH
— IANS (@ians_india) May 28, 2024
