ନୂଆଦିଲ୍ଲୀ,୧।୧୦: ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ସଭାପତି ଶରଦ ପାୱାର ଦଳର ବିଭାଜନ ସମ୍ପର୍କରେ ଶୁଣାଣି ସମୟରେ ନିର୍ବାଚନ ଆୟୋଗ (ଇସିଆଇ)ଙ୍କ ନିକଟରେ ଉପସ୍ଥିତ ରହି ନିଜ ପକ୍ଷ ଉପସ୍ଥାପନ କରିବେ। ଏଥିପାଇଁ ସେ ଅକ୍ଟୋବର ୬ରେ ରାଜଧାନୀ ନୂଆଦିଲ୍ଲୀରେ ରହିବେ। ଏନେଇ ସେ ନିଜେ ସୂଚନା ଦେଇଛନ୍ତି।
ପୁଣେ ଜିଲାର ଜୁନ୍ନରରେ ସେ କହିଛନ୍ତି ଯେ, ସାଧାରଣ ଲୋକ ଯାହା ଭାବନ୍ତି ତାହା ଗୁରୁତ୍ୱପୂର୍ଣ୍ଣ ଅଟେ। କିଛି ଲୋକ ଭିନ୍ନ ରାଜନୈତିକ ଆଭିମୁଖ୍ୟ ଗ୍ରହଣ କରିଛନ୍ତି ଏବଂ ମୁଁ ଏହା ଉପରେ କୌଣସି ମନ୍ତବ୍ୟ ଦେବାକୁ ଚାହେଁ ନାହିଁ, କାରଣ ଏହା ଗଣତନ୍ତ୍ରରେ ସେମାନଙ୍କର ଅଧିକାର। ସମଗ୍ର ଦେଶ ଜାଣେ ଏନ୍ସିପିର କିଏ ପ୍ରତିଷ୍ଠାତା। ଯେଉଁମାନେ ଭାଜପା ସହ ହାତ ମିଳାଇଛନ୍ତି ସେମାନେ ଏନସିପିର ହୋଇପାରିବେ ନାହିଁ। ଆମେ ଏଭଳି ଆପୋଷ ବୁଝାମଣା ଗ୍ରହଣ କରୁନାହୁଁ।
ଜୁଲାଇ ୨ରେ ଶରଦ ପାୱାରଙ୍କ ଦ୍ୱାାରା ପ୍ରତିଷ୍ଠିତ ଏନସିପିରେ ବିବାଦ ଦେଖାଦେଇଥିଲା। ଦଳର ାନତା ଅଜିତ ପାୱାର ଏବଂ ଆଠ ଜଣ ବିଧାୟକ ଅଲଗା ହୋଇ ଏକନାଥ ସିନ୍ଦେ ସରକାରରେ ଯୋଗ ଦେଇଥିଲେ। ଦଳର ନାମ ଏବଂ ନିର୍ବାଚନ ପ୍ରତୀକ ପାଇଁ ଉଭୟ ଗୋଷ୍ଠୀ ଇସିଆଇରେ ଆବେଦନ କରିଛନ୍ତି।
