ଆବୁଧାବି,୩୧।୧: ଆବୁଧାବି ଟି୧୦ ଲିଗ୍ରେ ଓ୍ବେଷ୍ଟଇଣ୍ଡିଜ୍ ବ୍ୟାଟ୍ସମ୍ୟାନ୍ ଏଭିନ୍ ଲୁଇସ୍ ବିସ୍ଫୋରକ ପାଳି ଖେଳି ଚର୍ଚ୍ଚାରେ। ମୁମ୍ବାଇ ଇଣ୍ଡିଆନ୍ସର ଏହି ପୂର୍ବ ଖେଳାଳି ଲିଗ୍ର ୫ମ ମ୍ୟାଚ୍ରେ କେବଳ ୯ ବଲ୍ରେ ୫୦ ରନ୍ କରି ରେକର୍ଡ କରିଛନ୍ତି।
ଦିଲ୍ଲୀ ବୁଲ୍ସ ଟସ୍ ଜିତି ମରାଠା ଆରବିଅନ୍ସକୁ ବ୍ୟାଟିଂ କରିବାକୁ ସୁଯୋଗ ଦେଇଥିଲା। ପରେ ଦିଲ୍ଲୀ ବୁଲ୍ସକୁ ୮୮ ରନ୍ର ବିଜୟଲକ୍ଷ୍ୟକୁ ମିଳିଥିଲା। ଏହାକୁ ପିଛା କରି ଏଭିନ୍ କେବଳ ୧୬ ବଲ୍ରେ ୫୫ ରନ୍ କରିଥିଲେ। ଫଳରେ ଦଳ ସହଜ ବିଜୟ ଲାଭ କରିଛି।
ଏଭିନ୍ ବାଂଲାଦେଶ ବୋଲର ମୁଖ୍ତାର ଅଲ୍ଲୀଙ୍କ ଗୋଟିଏ ଓଭରରେ ୫ଟି ଛକା ମାରିଥିଲେ। ଏଥିଯୋଗୁ ଦିଲ୍ଲୀ ବୁଲ୍ସ ୫ ଓଭରରେ କେବଳ ଗୋଟିଏ ଉଇକେଟ ହରାଇ ୮୯ ରନ୍ କରିନେଇଥିଲା। ଏହା ଆବୁଧାବୀ ଲିଗ୍ରେ ଦଳର କ୍ରମାଗତ ଦ୍ୱିତୀୟ ବିଜୟ। ଦଳ ପ୍ରଥମ ମ୍ୟାଚ୍ରେ ବାଂଲା ଟାଇଗର୍ସକୁ ହରାଇ ଥିଲା। ତେବେ ଲୁଇସ୍ଙ୍କ ଅର୍ଦ୍ଧଶତକକୁ ଟି୨୦ ଲିଗ୍ ଇତିହାସର ସବୁଠାରୁ ଦ୍ରୁତତମ ଅର୍ଦ୍ଧଶତକ ବୋଲି କୁହାଯାଉଛି।
ଦେଖନ୍ତୁ ଭିଡିଓ: