ଇଭିଏମ୍‌ ମରାମତି ଆରମ୍ଭ ହେଲାଣି, ୨୦୨୩ ଡିସେମ୍ବରରେ ହୋଇପାରେ ଲୋକସଭା ନିର୍ବାଚନ…

ମୁମ୍ବାଇ,୫।୭ : ମହାରାଷ୍ଟ୍ରରେ ରାଜନୀତି କିପରି ମୋଡ ନେଉଛି ତାହା ସଭିଙ୍କୁ ଜଣା। ଅଜିତ ପାୱାର ହଠାତ ପାର୍ଶ୍ୱ ପରିବର୍ତ୍ତନ କରିବା ମାତ୍ରେ ଶରଦ ପାୱାର ଏବଂ ତାଙ୍କ ସହଯୋଗୀ ଦଳର ନେତାମାନଙ୍କୁ ଏକ ବଡ଼ ଝଟକା ଲାଗିଛନ୍ତି। ଏଥି ସହ ଏନସିପି ବିଧାୟକ ତଥା ଏନସିପି ମୁଖ୍ୟ ଶରଦ ପାୱାରଙ୍କ ନାତି ରୋହିତ ପାୱାର ଭାଜପାକୁ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି ଆଗାମୀ ନିର୍ବାଚନକୁ ଦୃଷ୍ଟିରେ ରଖି ଭାଜପା ଏନସିପି ଏବଂ ଶିବସେନାକୁ ଭାଙ୍ଗିବାକୁ ଚେଷ୍ଟା କରିଛି। କର୍ନାଟକ ନିର୍ବାଚନରେ ଭାଜପାର ପରାଜୟ ଯୋଗୁ ଏହା ଘଟୁଛି ଏବଂ ଭବିଷ୍ୟତରେ ମଧ୍ୟପ୍ରଦେଶ, ହରିୟାଣା ଏବଂ ଅନ୍ୟାନ୍ୟ ରାଜ୍ୟରେ ଏହା ହୋଇପାରେ।

ସେ କହିଛନ୍ତି ଲୋକସଭା କିମ୍ବା ରାଜ୍ୟ ନିର୍ବାଚନର ୫-୬ ମାସ ପୂର୍ବରୁ ଇଭିଏମ ଯାଞ୍ଚ ରିପୋର୍ଟ ନିଆଯାଉଥିବାବେଳେ ମହାରାଷ୍ଟ୍ରର କିଛି ଅଧିକାରୀଙ୍କୁ ଇଭିଏମ ମରାମତି ଏବଂ ଉତ୍ପାଦନ ଆରମ୍ଭ କରିବାକୁ ନିର୍ଦ୍ଦେଶ ଦିଆଯାଇଛି। ଡିସେମ୍ବର ୨୦୨୩ରେ ଲୋକସଭା ନିର୍ବାଚନ ହୋଇପାରେ ବୋଲି ଏହା ଏକ ସୂଚକ ଅଟେ ।