ବ୍ରହ୍ମପୁର ଅଫିସ,୧୭ା୧୨: ଗଞ୍ଜାମ ଜିଲା ବଡ଼ବଜାର ଥାନା ଅନ୍ତର୍ଗତ ଗଣେଶ ମାର୍କେଟ ନିକଟରେ ଥିବା କେଶବ ଜୁଏଲାରୀରୁ ବୁଧବାର ବିଳମ୍ବିତ ରାତିରେ ଚୋରି ହୋଇଛି। ଦୋକାନ ମାଲିକ ପି. ସତ୍ୟନାରାୟଣ ସେନାପତି ଏନେଇ ଅଭିଯୋଗ କରିଛନ୍ତି। ବ୍ରହ୍ମପୁର ଏସ୍ପି ପିନାକ ମିଶ୍ର ଓ ବଡ଼ବଜାର ଥାନାଧିକାରୀ ପ୍ରଶାନ୍ତ ଭୂପତି ଘଟଣାସ୍ଥଳରେ ପହଞ୍ଚି ସାଇଣ୍ଟିଫିକ୍ ଟିମ୍ ସହାୟତାରେ ତଦନ୍ତ କରୁଛନ୍ତି। ଚୋର ଗ୍ୟାଙ୍ଗ ଦୋକାନ କ୍ୟାଶ କାଉଣ୍ଟରରେ ନୂଆ ଗଢ଼ା ହେବା ପାଇଁ ରଖାଯାଇଥିବା ଲୋକମାନଙ୍କ ପୁରୁଣା ସୁନା ପ୍ରାୟ ୪୦ ଭରି ଗହଣା ଓ ନଗଦ ୧ଲକ୍ଷ ୪୦ ହଜାର ଟଙ୍କା ଚୋରି କରିନେଇଥିବା ନେଇ ମାଲିକ ଅଭିଯୋଗ କରିଛନ୍ତି। ସିସିଟିଭି ଫୁଟେଜ୍ ସଂଗ୍ରହ କରି ପୋଲିସ ଚୋର ଗ୍ୟାଙ୍ଗକୁ ଗିରଫ କରିବ ବୋଲି ଏସ୍ପି କହିଛନ୍ତି।