ଭାରତୀୟ ଦଳର ଷ୍ଟାର ସ୍ପିନର ୟୁଜବେନ୍ଦ୍ର ଚହଲ ନିକଟରେ ଦୁବାଇରୁ ହନିମୁନ୍ ସାରି ଭାରତ ଫେରିଛନ୍ତି। ଦିଲ୍ଲୀ ଫେରିବା ପରେ ସ୍ତ୍ରୀ ଧନଶ୍ରୀ ବର୍ମା ଶାଶୁ ଘରେ ବହୁତ ଏନ୍ଜୟ କରୁଛନ୍ତି। କେତେବେଳେ ନଣନ୍ଦଙ୍କର ଜନ୍ମଦିନ ପାଳନ କରୁଛନ୍ତି ତ ଆଉ କେତେବେଳେ ରୋଷେଇ ଘରେ କାମ କରୁଛନ୍ତି। ଏହି ସମୟର ଫଟୋ ସେ ସୋସିଆଲ ମିଡିଆରେ ଶେୟାର ମଧ୍ୟ କରିଥାନ୍ତି।
ନିକଟରେ ଧନଶ୍ରୀ ଶାଶୁଘରେ ଗାଜର ହାଲ୍ଓ୍ବା ତିଆରି କରିଥିଲେ। ଏହାର ଫଟୋ ସେ ନିଜର ଇନ୍ଷ୍ଟାଗ୍ରାମ୍ରେ ଶେୟାର ମଧ୍ୟ କରିଛନ୍ତି। ଚହଲ ମଧ୍ୟ ସ୍ତ୍ରୀଙ୍କ ହାତରନ୍ଧା ଗାଜର ହାଲଓ୍ବାର ଫଟୋ ସାଙ୍ଗକୁ ଧନଶ୍ରୀଙ୍କ ସହ ନିଜର ଏକ ଫଟୋ ଶେୟାର କରିଛନ୍ତି। ଏହି ଫଟୋରେ ନବ ଦମ୍ପତି ବାହାରେ କେଉଁଠି ବୁଲୁଥିବାର ଦେଖିବାକୁ ମିଳୁଛି। ଫଟୋରେ ଧନଶ୍ରୀ ଲାଲ ଏବଂ କଳା ରଙ୍ଗର ପୋଷାକ ପିନ୍ଧିଥିବା ବେଳେ କେଶ ଖୋଲା କରିଛନ୍ତି। ଏହି ଫଟୋକୁ ପ୍ରଶଂସକମାନେ ପସନ୍ଦ କରିବା ସହ ନିଜର ପ୍ରତିକ୍ରିୟା ମଧ୍ୟ ରଖୁଛନ୍ତି।