ନବରଙ୍ଗପୁର,୨।୭(ସଦାସିବ ପ୍ରହରାଜ): ନବରଙ୍ଗପୁର ବିନୋଦ ବିହାରୀ କଲେଜର ଜଣେ ଅଧ୍ୟାପିକାଙ୍କୁ କମେଣ୍ଟ ମାରି ହଇରାଣ କରିବା ଅଭିଯୋଗରେ ଜଣେ ପୂର୍ବତନ ଛାତ୍ରଙ୍କୁ ପୋଲିସ ଗିରଫ କରିଛି। ସେ ହେଲେ ନବରଙ୍ଗପୁର ସହରର ବଡହରିଜନ ସାହିର ପର୍ଶୁରାମ ନାଗେଶ।
ମିଳିଥିବା ସୂଚନା ଅନୁଯାୟୀ, ଅଧ୍ୟାପିକାଙ୍କୁ ପର୍ଶୁରାମ ନିୟମିତ କମେଣ୍ଟ ମାରୁଥିଲେ। ଏନେଇ ଅଧ୍ୟାପିକ ଜଣକ ଥାନାରେ ଅଭିଯୋଗ କରିବା ପରେ ପୋଲିସ ପର୍ଶୁରାମକୁ ଥାନାକୁ ଆଣି ବୁଝାଶୁଝା କରି ଛାଡି ଦେଇଥିଲା। ହେଲେ ପର୍ଶୁରାମ ଅଧ୍ୟାପିକାଙ୍କୁ ବିଭିନ୍ନ ସ୍ଥାନରେ କମେଣ୍ଟ କରି ପୁଣି ହଇରାଣ କରିବାରୁ ଅଧ୍ୟାପିକା ନବରଙ୍ଗପୁର ଥାନାରେ ୧ ତାରିଖରେ ଅଭିଯୋଗ କରିଥିଲେ। ପୋଲିସ ଏ ନେଇ ଏକ ମାମଲା(ନଂ ୨୮୨/୨୩) ରୁଜୁ କରି ପର୍ଶୁରାମଙ୍କୁ ଗିରଫ କରି ରବିବାର କୋର୍ଟ ଚାଲାଣ କରିଛି ା ତେବେ ପର୍ଶୁରାମ କଲେଜର ପୁରାତନ ଛାତ୍ର ବୋଲି ଏସ୍ଆଇ ପୂର୍ଣ୍ଣିମା ଟେଟେ କହିଛନ୍ତି।