କଣିହାଁ ,୨୩।୩(ଡି.ଏନ.ଏ.) – କଣିହାଁ ଏନ୍ଟିପିସି ପକ୍ଷରୁ ନିକଟବର୍ତ୍ତୀ ଗ୍ରାମର ୫୮ ଜଣ ମେଧାବୀ ଛାତ୍ରୀଛାତ୍ରଙ୍କୁ ଉତ୍କର୍ଷ ବୃତ୍ତି ପ୍ରଦାନ କରାଯାଇଛି। ୨୦୨୦-୨୧ ଶିକ୍ଷା ବର୍ଷରେ ଉତ୍ତମ ପ୍ରଦର୍ଶନ କରିଥିବା ଦଶମ, ଦ୍ୱାଦଶ ଶ୍ରେଣୀ, ବି.ଟେକ୍ ଓ ଏମ୍ବିବିଏସ୍ ଛାତ୍ରୀଛାତ୍ରଙ୍କୁ ଏହି ବୃତ୍ତି ପ୍ରଦାନ କରାଯାଇଛି। ଅତିଥି ଭାବେ କଣିହାଁ ଏନ୍ଟିପିସି କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀନିବାସ ରାଓ ଯୋଗଦେଇ ବ୍ୟାଙ୍କ ଚେକ୍ ଆକାରରେ ବୃତ୍ତି ଅର୍ଥ ଛାତ୍ରୀଛାତ୍ରଙ୍କୁ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ଜିଏମ୍ ବିଜୟ ଗୋଏଲ, ପ୍ରେମ୍ ଚାନ୍ଦଙ୍କ ସମେତ ବିଭିନ୍ନ ଆସୋସିଏଶନର ପଦାଧିକାରୀ, ସ୍କୁଲ ଅଧ୍ୟକ୍ଷ, ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।