ନୂଆଗାଁ,୨୯।୧୦ (ଧନେଶ୍ୱର ସାହୁ)ନୟାଗଡ଼ ଜିଲା ନୂଆଗାଁ ବ୍ଲକର କାପ୍ତାପଲି ଭଳି ଆଦିବାସୀ ଅଧ୍ୟୁଷିତ ଅଞ୍ଚଳରେ ପାଣିପାଗର ପୂର୍ବାନୁମାନ ସୂଚନା ଓ କୃଷି ସୂଚନା ଦେବା ନିମନ୍ତେ ଗ୍ରାମ ବିକାଶ ସଂସ୍ଥା ତରଫରୁ କାପ୍ତାପଲ୍ଲୀ ଗ୍ରାମରେ ସୂଚନା ଫଳକର ବ୍ୟବସ୍ଥା କରାଯାଇଛି । ତେବେ ସୂଚନା ଫଳକର ଉଦ୍ଦେଶ୍ୟରେ ବ୍ୟତିକ୍ରମ ଦେଖା ଯାଉଥିବା ଅଭିଯୋଗ ହେଉଛି । ଆଗାମୀ ୭ ଦିନ ପାଇଁ ପାଣିପାଗ କ’ଣ ରହିବ ଓ ପାଣିପାଗ ତଥା ସମୟାନୁସାରେ କୃଷି କାର୍ଯ୍ୟ ପାଇଁ କଣ କରିବାକୁ ହେବ ସେ ସମ୍ବନ୍ଧୀୟ ସୂଚନା ପ୍ରତ୍ୟେକ ସୋମବାର ଦିନ ଲେଖାଯିବା ପାଇଁ କାପ୍ତାପଲି ଗ୍ରାମର ସର୍ବସାଧାରଣ ସ୍ଥାନରେ ଦୀର୍ଘ ବର୍ଷ ହେଲା ଏକ ଫଳକ ବ୍ୟବସ୍ଥା କରାଯାଇଛି । ସେଥିପାଇଁ ଜଣେ ବ୍ୟକ୍ତି ନିୟୋଜିତ ରହିବ । ଗ୍ରାମ ବିକାଶ ତରଫରୁ ସୂଚନା ମିଳିବା ପରେ ହସ୍ତଗତ ତଥ୍ୟକୁ ଉକ୍ତ ସୂଚନା ଫଳକରେ ଲେଖାଯିବ । ଯେପରିକି ପବନର ବେଗ ଓ ଦିଗ, ସର୍ବାଧିକ ଏବଂ ସର୍ବନିମ୍ନ ତାପମାତ୍ରା, ସର୍ବାଧିକ ଏବଂ ସର୍ବନିମ୍ନ ଆର୍ଦ୍ରତା ଏବଂ ଚାଷ ପାଇଁ କିଛି ଆବଶ୍ୟକୀୟ ଉପଦେଶର ସୂଚନା ଏହି ବୋର୍ଡରେ ଉଲ୍ଲେଖ କରାଯାଇଥାଏ ା ସୂଚନା ଫଳକ ପ୍ରସ୍ତୁତ ହୋଇଥିଲେ ମଧ୍ୟ ସେଠାରେ କୌଣସି ସୂଚନା ଲେଖା ଯାଉ ନ ଥିବା ବେଳେ ଗତ ୩ ମାସ ପୂର୍ବେ କାପ୍ତାପଲି ଗ୍ରାମର ବନିତା ବେହେରାଙ୍କୁ ଉକ୍ତ ସୂଚନା ଫଳକରେ ସୂଚନା ଲେଖିବା କାର୍ଯ୍ୟରେ ନିୟୋଜିତ କରାଯାଇଛି । ପ୍ରତି ସୋମବାର ଦିନ ବନିତାଙ୍କର ମୋବାଇଲକୁ ସମସ୍ତ ସୂଚନା ଆସିବା ପରେ ସେ ତାଙ୍କର ଦାୟିତ୍ୱ ନିର୍ବାହ କରି ତଥ୍ୟକୁ ସୂଚନା ଫଳରେ ଲେଖିଥାଆନ୍ତି। ଏହି କାର୍ଯ୍ୟପାଇଁ ତାଙ୍କୁ ମାସିକ ବେତନ ଦେବା ପାଇଁ ଗ୍ରାମ ବିକାଶ ତରଫରୁ କୁହାଯାଇଥିଲା । କିନ୍ତୁ ଦୀର୍ଘ ୩ ମାସ ହେଲା ତାଙ୍କୁ ବେତନ ନ ଦେବାରୁ ସେ ଆଉ ସୂଚନା ଲେଖୁ ନାହାନ୍ତି, ଯାହା ଫଳରେ ଲୋକମାନେ ସୂଚନା ପାଇବାରୁ ବଞ୍ଚତ୍ତ ହେଉଛନ୍ତି ା ସେଥିପ୍ରତି ବିଭାଗୀୟ କର୍ମକର୍ତ୍ତା ଦୃଷ୍ଟି ଦେବା ପାଇଁ ସାଧାରଣରେ ଦାବି ହେଉଛି ।