ଭୁବନେଶ୍ୱର,୧ା୭(ବ୍ୟୁରୋ):ରାଜ୍ୟ ସରକାର ଓଏଏସ୍ ଅଫିସର ସ୍ତରରେ ଅଦଳବଦଳ କରିଛନ୍ତି। ଗୁରୁବାର ଏ ନେଇ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ପ୍ରକାଶିତ ବିଜ୍ଞପ୍ତି ଅନୁଯାୟୀ ଗୃହ ବିଭାଗର ଅତିରିକ୍ତ ସଚିବ ବିଭୂତିଭୂଷଣ ମିଶ୍ରଙ୍କୁ କଟକସ୍ଥିତ ଆରଡିସି କାର୍ଯ୍ୟାଳୟର ଅତିରିକ୍ତ କମିଶନର ସେଟଲମେଣ୍ଟ ଆଣ୍ଡ କନ୍ସୋଲିଡେଶନ ଭାବେ ବଦଳି କରାଯାଇଥିବା ବେଳେ ଗଜପତି ପିଡି ଡିଆରଡିଏ ମହେଶ୍ୱର ଚନ୍ଦ୍ର ନାୟକଙ୍କୁ ମାଲକାନଗିରି ଏଡିଏମ୍, ଅନୁଗୋଳ ଓଏମ୍ସି ଆଞ୍ଚଳିକ କାର୍ଯ୍ୟାଳୟର ସ୍ପେଶାଲ ଏଲ୍ଏଓ(ବୈତରଣୀ ଓ୍ବେଷ୍ଟ କୋଲ୍ ବ୍ଲକ) ରୋମାଞ୍ଚଳ ଖମାରିଙ୍କୁ ଗଜପତି ପିଡି ଡିଆରଡିଏ ଭାବେ ବଦଳି କରାଯାଇଛି। ସେହିପରି କେନ୍ଦୁଝର ଉପଜିଲାପାଳ ସୋନା ଟୁଡୁଙ୍କୁ କେନ୍ଦୁଝରର ଅତିରିକ୍ତ ଉପଜିଲାପାଳ, ଆନନ୍ଦପୁର ଉପଜିଲାପାଳ ଗୋପୀନାଥ କୁଅଁରଙ୍କୁ ଯାଜପୁର ଉପଜିଲାପାଳ, ଭଞ୍ଜନଗର ବିଡିଓ ଅନିଲ କୁମାର ସେଠୀଙ୍କୁ ଆନନ୍ଦପୁର ଉପଜିଲାପାଳ, ଓଏଲ୍ଏଲ୍ ଆଣ୍ଡ ସି ଡେପୁଟି ସେକ୍ରେଟାରି ସଞ୍ଜୟ କୁମାର ମିଶ୍ରଙ୍କୁ ଓଡ଼ିଶା ଖଦି ଓ ଗ୍ରାମ୍ୟୋଦ୍ୟୋଗ ବୋର୍ଡ ଡେପୁଟି ସେକ୍ରେଟାରି, ବୋର୍ଡ ଅଫ୍ ରେଭିନ୍ୟୁର ଡେପୁଟି ସେକ୍ରେଟାରି ପ୍ରଭାତ କୁମାର ସାହୁଙ୍କୁ ଓଡ଼ିଶା ରାଜ୍ୟ ଶିଶୁ ସୁରକ୍ଷା ଅଧିକାର କମିଶନର ସେକ୍ରେଟାରି ଭାବେ ବଦଳି କରାଯାଇଛି।