ଏକ୍ସାଇଟେଡ ଡେଲିରିଅମ ନାମକ ସମସ୍ୟ ଯୋଗୁ କେତେକଙ୍କର ସାଧାରଣ ଜୀବନ ଶୈଳୀରେ ପ୍ରଭାବ ପଡ଼ିଥାଏ। ଏହି ସମସ୍ୟାକୁ ଡାକ୍ତର ଏଜିଟେଟେଡ ଡେଲିରିଅମ ମଧ୍ୟ କହିଥାନ୍ତି। ଏଭଳି ସମସ୍ୟାରେ ଉତ୍ତେଜିତ ହୋଇ ସମ୍ପୃକ୍ତ ବ୍ୟକ୍ତି ହିଂସାତ୍ମକ କାର୍ଯ୍ୟକଳାପ କରିବା ସହିତ ତାଙ୍କର ଶରୀରର ଉତ୍ତାପ ବୃଦ୍ଧି ପାଇଥାଏ। ଏହାଯୋଗୁ ଉଚ୍ଚ ରକ୍ତଚାପ ସହିତ ହାର୍ଟ ଆଟାକ୍ ଆଦି ଆଶଙ୍କା ବଢ଼ିଯାଇଥାଏ। ଦୀର୍ଘଦିନ ଧରି ଔଷଧ କୋକେନ, ମେଥାମ୍ଫେଟାମିନ କାଥିନୋନସ ରହିଥିବା ଔଷଧ ବ୍ୟବହାର ଦ୍ୱାରା ଏଭଳି ସମସ୍ୟା ସୃଷ୍ଟି ହୋଇଥାଏ ବୋଲି ଡାକ୍ତର କହିଥାନ୍ତି। ମାନସିକ ସମସ୍ୟା ନିମନ୍ତେ ବ୍ୟବହୃତ ଆଣ୍ଟିସାଇକୋଟିକ ଔଷଧ ହଠାତ୍ ବନ୍ଦ କଲେ ମଧ୍ୟ ଏଭଳି ସ୍ଥିତି ସୃଷ୍ଟି ହୋଇଥାଏ। ଏକ୍ଷେତ୍ରରେ କେଟାମିନ, ମିଡାଜୋଲାମ ଓ ହାଲୋପେରିଡୋଲ ଆଦି ଇଞ୍ଜେକସନ ଆଦି ଡାକ୍ତର ପ୍ରୟୋଗ କରିଥାନ୍ତି।
ଏହି ସମସ୍ୟା ରହିଥିବା ଲୋକଙ୍କ ମଧ୍ୟରେ ମହିଳା ତୁଳନାରେ ଅଧିକ ସଂଖ୍ୟକ ପୁରୁଷଙ୍କ ମୃତ୍ୟୁ ଘଟିଥାଏ। କେତେକଙ୍କ କ୍ଷେତ୍ରରେ ଇଲେକ୍ଟ୍ରିକ୍ ଶକ୍ର ବ୍ୟବହାର ମଧ୍ୟ କରାଯାଇଥାଏ। ତେବେ ଧ୍ୟାନ କରିବା ଦ୍ୱାରା ଏହି ସମସ୍ୟା ଦୂର ହେବା ସହଜ ହୋଇଥାଏ।