ଲେହ, ୨୭।୯: ଏଲ୍ଏସିରେ ଭାରତ ଚାଇନା ମଧ୍ୟରେ ଉତ୍ତେଜନା ବଢ଼ିବାରେ ଲାଗିଛି। ଭାରତ ପକ୍ଷରୁ ଚାଇନାକୁ କଡ଼ା ଜବାବ ଦେବାକୁ ଏଠାରେ ଟି-୯୦ ଏବଂ ଟି-୭୨ ଟ୍ୟାଙ୍କ ସହିତ ବିଏମ୍ପି-୨ ଇନଫାଣ୍ଟ୍ରି କମ୍ବାଟ୍ ଭେହିକିଲ୍ ମଧ୍ୟ ମୁତୟ ନ କରାଯାଇଛି। ଏହା ମାଇନସ୍ ୪୦ ଡିଗ୍ରୀ ତାପମାତ୍ରାରେ ମଧ୍ୟ କାର୍ଯ୍ୟକ୍ଷମ ହୋଇପାରିବ। ଏହାକୁ ପୂର୍ବ ଲଦାଖର ଚୁମାର-ଡେମଚୋକ୍ଠାରେ ମୁତୟନ କରାଯାଇଛି। ଶତ୍ରୁ ପକ୍ଷର ମୁକାବିଲା ପାଇଁ ଏସବୁ ଯୁଦ୍ଧ ସରଞ୍ଜାମ ବେଶ୍ ଗୁରୁତ୍ୱପୂର୍ଣ୍ଣ ସାବ୍ୟସ୍ତ ହେବ ବୋଲି ୧୪-କପର୍ସ ଚିଫ୍ ଅଫ୍ ଷ୍ଟାପ୍ ମେଜର ଜେନେରାଲ ଅରବିନ୍ଦ କପୁର ସୂଚନା ଦେଇଛନ୍ତି। ସୂଚନାଯୋଗ୍ୟ, ପୂର୍ବ ଲଦାଖ ଅଞ୍ଚଳର ଭାରତୀୟ ଯବାନ ଏବଂ ଚାଇନା ସୈନ୍ୟ ମୁହାଁମୁହିଁ ହୋଇଛନ୍ତି। ପରିସ୍ଥିତି ଉପରେ ଭାରତୀୟ ପ୍ରତିରକ୍ଷା ବିଭାଗ ପକ୍ଷରୁ ତୀକ୍ଷଣ ଦୃଷ୍ଟି ରଖାଯାଇଛି।
