ନୂଆଦିଲ୍ଲୀ,୧୨ା୧୧: କ୍ରମାଗତ ୨ଦିନର ହ୍ରାସ ପରେ ଶୁକ୍ରବାର ଷ୍ଟକ୍ ବଜାରରେ ବଡ଼ ଧରଣର ବୃଦ୍ଧି ଘଟିଛି। ଫଳରେ ନିବେଶକମାନଙ୍କ ମଧ୍ୟରେ ଉତ୍ସାହ ପରିଲକ୍ଷିତ ହୋଇଛି। ଏପରିକି ଚଳିତ ସପ୍ତାହର ଶେଷ କାର୍ଯ୍ୟଦିବସର ଫଳାଫଳ (ଶେୟାର ମାର୍କେଟ) ଅନୁଯାୟୀ ବମ୍ବେ ଷ୍ଟକ୍ ଏକ୍ସଚେଞ୍ଜ (ବିଏସ୍ଇ)ର ସେନ୍ସେକ୍ସ ୧୧୮୧ (୧୧୮୧.୩୪) ପଏଣ୍ଟ ବୃଦ୍ଧି ଘଟି ୬୧,୭୯୫ (୬୧,୭୯୫.୦୪) ଅଙ୍କରେ କାରବାର ବନ୍ଦ ହୋଇଥିଲା। ସେହିଭଳି ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ (ଏନ୍ଏସ୍ଇ) ର ନିଫ୍ଟି-୫୦ରେ ମଧ୍ୟ ୩୨୨ (୩୨୧.୫୦) ପଏଣ୍ଟ ବଢ଼ି ୧୮,୩୫୦ (୧୮,୩୪୯.୭୦) ଅଙ୍କରେ ବଜାର ବନ୍ଦ ହୋଇଥିବା ଜଣାପଡ଼ିଛି। ଶୁକ୍ରବାର ଦଲାଲ ଷ୍ଟ୍ରିଟ୍ରେ ଆଇଟି ଏବଂ ମେଟାଲ ଶିଳ୍ପର ଫଳାଫଳ ସାଙ୍ଗକୁ ବ୍ୟାଙ୍କିଙ୍ଗ୍,ଏଫ୍ଏମ୍ସିଜି ଏବଂ ଅଟୋଶିଳ୍ପ ଆଦି ନିବେଶରେ ମଧ୍ୟ ଅଭିବୃଦ୍ଧି ଘଟିଥିବା ଦେଖାଯାଇଛି।