ଭୁବନେଶ୍ୱର,୨୬।୧: ରାଜ୍ୟର ପ୍ରମୁଖ ଅଳଙ୍କାର ପ୍ରତିଷ୍ଠାନ ଖିମ୍ଜୀ ଜୁଏଲର୍ସ ପକ୍ଷରୁ ସ୍ବତନ୍ତ୍ର ଭାବେ ପରିକଳ୍ପିତ ‘ବ୍ରାଇଡାଲ ବ୍ଲେସିଂସ୍’ ଅଫର ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଚଳିତ ବିବାହ ଋତୁରେ ଖିମ୍ଜୀ ଜୁଏଲର୍ସ ବଧୂମାନଙ୍କର ବଡ଼ ଦିନକୁ ଅଧିକ ସ୍ମରଣୀୟ କରିବା ପାଇଁ ବ୍ରାଇଡାଲ ଅଳଙ୍କାରର ବ୍ୟାପକ ସମ୍ଭାର ସଂଗ୍ରହ ସହ ବ୍ରାଇଡାଲ ବ୍ଲେସିଂସ ଅଫର ବେଶ୍ ସହାୟକ ହେବ ବୋଲି କୁହାଯାଇଛି। ଏପରିକି ଏହି ଅଫର ଚଳିତ ବର୍ଷ ଜାନୁୟାରୀ ୨୦ରୁ ଆରମ୍ଭ ହୋଇଯାଇଛି।
ବିଶେଷକରି ଏହା ଜରିଆରେ ଗ୍ରାହକମାନେ ୩୦,୦୦୦ ଟଙ୍କା ମୂଲ୍ୟର ସୁନା ଅଳଙ୍କାରର ପ୍ରତ୍ୟେକ କ୍ରୟ ଉପରେ ଗୋଟିଏ ସ୍ବର୍ଣ୍ଣମୁଦ୍ରା ଏବଂ ୩୦,୦୦୦ ଟଙ୍କା ମୂଲ୍ୟର ହୀରା ଅଳଙ୍କାରର ପ୍ରତ୍ୟେକ କ୍ରୟ ଉପରେ ୨ଟି ସ୍ବର୍ଣ୍ଣମୁଦ୍ରା ପାଇପାରିବେ। ଏ ସମ୍ପର୍କରେ ଖିମ୍ଜୀ ଗ୍ରୁପ୍ର ନିର୍ଦ୍ଦେଶକ ମିତେଶ୍ ଖିମ୍ଜୀ କହିଛନ୍ତି, ବଧୂମାନଙ୍କ ପାଇଁ ଗହଣା ଖାଲି କ୍ରୟ ନୁହେଁ ବରଂ ଏହା ତାଙ୍କ ଭାବନା ସହ ଜଡ଼ିତ ଅନେକ କାହାଣୀ। ବିଶେଷକରି ଖିମ୍ଜୀ ଜୁଏଲର୍ସ ଉକ୍ତ ଭାବନାକୁ ବଜାୟ ରଖିବା ସହ ନିଜର କର୍ତ୍ତବ୍ୟ ବୋଲି ଭାବି ଆସିଛି। ଏପରିକି ଆମର ସ୍ବତନ୍ତ୍ର ‘ବ୍ରାଇଡାଲ ବ୍ଲେସିଂସ୍’ ସଂଗ୍ରହ ଓ ସୁନା ମୁଦ୍ରାର ଅଫର ଗ୍ରାହକମାନଙ୍କୁ ଅଧିକ ଆକର୍ଷିତ କରିବ ବୋଲି ସେ ମତପ୍ରକାଶ କରିଛନ୍ତି।
