ଭୁବନେଶ୍ୱର,୫।୭ (ଅଭୟ ଦାଶ): ଦେଶର ପ୍ରମୁଖ ଘରୋଇ ସଂସ୍ଥା ‘ଟାଟା ଗ୍ରୁପ୍’ର ଅଗ୍ରଣୀ ବ୍ରାଣ୍ଡ୍ ତଥା ଟାଟା ପ୍ରଡକ୍ଟ ସମୂହ (ଟ୍ରୋମ୍ବୋ ଷ୍ଟୋର (ଟାଇଟନ୍ ୱାର୍ଲଡ, ହେଲିୟସ୍ ଓ ଫାଷ୍ଟ୍ରାକ୍) ସହ ମିଆ ବାୟ ତନିସ୍କ ଏବଂ ତନେଇରା ଷ୍ଟୋର)ର ଏକ୍ସକ୍ଲୁସିଭ ଆଉଟ୍ଲେଟ୍ କଟକର ସିଡିଏ-୬ଠାରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ଟାଇଟନ୍ କମ୍ପାନୀ ଲିମିଟେଡ୍ର ପରିଚାଳନା ନିର୍ଦ୍ଦେଶକ ସି.କେ. ଭେଙ୍କଟରମଣ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ତନେଇରାର ସିଇଓ ଅମ୍ବୁଜ ନାରାୟଣ, ଟାଇଟନ୍ର ଆଞ୍ଚଳିକ ବ୍ୟବସାୟ ମୁଖ୍ୟ (ପୂର୍ବ) ସୋମପ୍ରଭ ସିଂହଙ୍କ ସମେତ ଆଲୋକ ରଞ୍ଜନ, ଅନିର୍ବାଣ ବାନାର୍ଜୀ, ଓପଲ ସେନ୍ଗୁପ୍ତା ଏବଂ ଯୋଗେନ୍ଦ୍ର ହଂସ ଓ ଅନ୍ୟମାନେ ଉପସ୍ଥିତ ଥିଲେ।
ଏ ସମ୍ପର୍କରେ ଟାଇଟନ୍ର ପରିଚାଳନା ନିର୍ଦ୍ଦେଶକ ସି.କେ.ଭେଙ୍କଟରମଣ କହିଥିଲେ, ଗହଣା, ହାତଘଡ଼ି ଏବଂ ଇଣ୍ଡିଆନ୍ ଡ୍ରେସ୍ୱେର୍ ବର୍ଗରେ ଏକ୍ସକ୍ଲୁସିଭ ଆଉଟ୍ଲେଟର ଉଦ୍ଘାଟନ (ଶୁଭାରମ୍ଭ) କରି ଆମେ ବେଶ୍ ଉତ୍ସାହିତ ଅଛୁ। ଏପରିକି କଟକରେ ଟାଟା ପ୍ରଡକ୍ଟସ ସମୂହର ୫ଟି ନୂଆ ଷ୍ଟୋର୍ ଜରିଆରେ ଆମେ ଟାଇଟନ୍ କମ୍ପାନୀର ସର୍ବୋତ୍ତମ ଅଫରିଂ ଗ୍ରାହକଙ୍କ ପାଇଁ ଆଣିଦେଇଛୁ।
ଉଲ୍ଲେଖଯୋଗ୍ୟ, ୨୧୦୦ ବର୍ଗଫୁଟ୍ ପରିମିତ ସ୍ଥାନରେ ନିର୍ମିତ ନୂତନ ଟ୍ରୋମ୍ବୋ ଷ୍ଟୋରରେ ଟାଇଟନ୍ ୱାର୍ଲଡ, ହେଲିୟସ ଏବଂ ଫାଷ୍ଟ୍ରାକ୍ ଭଳି ବ୍ରାଣ୍ଡ୍ର ଆଉଟ୍ଲେଟ୍ ରହିଛି। ଏଠାରେ ବିଭିନ୍ନ ବୟସ ବର୍ଗ ପାଇଁ ବ୍ୟାପକ ପ୍ରକାର ହାତଘଡ଼ି, ଫ୍ରାଗ୍ରାନ୍ସ, ବ୍ୟାଗ୍ ଏବଂ ସନ୍ଗ୍ଲାସ୍ ଉପଲବ୍ଧ। ସେହିଭଳି ୩୦୦୦ ବର୍ଗଫୁଟ ପରିମିତ ସ୍ଥାନରେ ନିର୍ମିତ ଅଲ୍ ନ୍ୟୁ ତନେଇରା ଷ୍ଟୋରରେ ହାତ ତିଆରି ଶାଢ଼ି ବର୍ଗ (କ୍ଲାସିକ୍ ଏବଂ କନ୍ଟେମ୍ପୋରାରିର ଫ୍ୟୁଜନ୍) ସହିତ ରେଡି ଟୁ ୱେର୍ ବ୍ଲାଉଜ୍, କୁର୍ତ୍ତା, ସର୍ଟ ଟପ୍ ଏବଂ ଆହୁରି ଅନେକ କିଛି ରହିଛି। ସେହିପରି ୯୦୦ ବର୍ଗଫୁଟ୍ରୁ ଊର୍ଦ୍ଧ୍ୱ ପରିମିତ ସ୍ଥାନରେ ‘ମିଆ ବାୟ ତନିସ୍କ ଷ୍ଟୋର’ ରେ ହାଲୁକା ଏବଂ ଟ୍ରେଣ୍ଡି ସୁନା ଓ ହୀରା ଗହଣାର ୱାନ୍-ଷ୍ଟପ୍ ଡେଷ୍ଟିନେଶନ ହେବ। ଏପରିକି ଏଠାରେ ମିଆର ୧୪ ଏବଂ ୧୮କ୍ୟାରେଟ୍ ବର୍ଗର ବ୍ୟାପକ ରେଞ୍ଜ ଆଧୁନିକ, ସୁନ୍ଦର ଏବଂ ଟେଣ୍ଡି ଗହଣା ପିସ୍ ଉପଲବ୍ଧ। ଏହି ଗହଣାଗୁଡ଼ିକ ମଧ୍ୟରେ ଷ୍ଟଡ୍, ରିଙ୍ଗ୍, ବ୍ରେସ୍ଲେଟ୍, ଇୟରିଂ, ଇୟର କଫ୍, ପେଣ୍ଡେଣ୍ଟ ଏବଂ ନେକ୍ଲେସ୍ ଇତ୍ୟାଦି ସାମିଲ ରହିଛି। ଅପରପକ୍ଷରେ ତନିସ୍କ ବାୟ ମିଆ ପକ୍ଷରୁ ନିର୍ଦ୍ଦିଷ୍ଟ ରେଞ୍ଜ ଉପରେ ୨୦% ରିହାତି ଏବଂ ତନେଇରା ପକ୍ଷରୁ ଗୋଲ୍ଡ କଏନ୍ ଅଫର ସମ୍ପର୍କରେ ଘୋଷଣା କରାଯାଇଛି। ଏହି ଅଫର ୨୦୨୪ ଜୁଲାଇ ୮ପର୍ଯ୍ୟନ୍ତ ଉପଲବ୍ଧ।