ଲଣ୍ଡନ: ବର୍ତ୍ତମାନ ସମୟରେ ଲୋକେ ନିଜ ସ୍ବାସ୍ଥ୍ୟ ପ୍ରତି ପୂରା ଧ୍ୟାନ ଦେଉଛନ୍ତି। ପାର୍କରେ ଚାଲିବା ସହ ଅନେକେ ଜିମ୍ ଯାଉଛନ୍ତି। ହେଲେ ଜଣେ ମଡେଲ ସମାଧି ସ୍ଥାନରେ ଏକ୍ସରସାଇଜ କରୁଥିବା ଜଣାପଡ଼ିଛି। ରିପୋର୍ଟ ମୁତାବକ, ଲଣ୍ଡନରେ ରହୁଥିବା ବ୍ରାଜିଲ୍ର ଜଣେ ମଡେଲ ଅଣ୍ଡ୍ରିଆ ସନସାଇନ୍ ଜଣେ ବଡିବିଲ୍ଡର। ଜାଣି ଆଶ୍ଚର୍ଯ୍ୟ ଲାଗିବ ଯେ ସେ ଜେଜେ ମା’ ହୋଇସାରିଛନ୍ତି। ତଥାପି ସେ ଫିଟ୍ ଅଛନ୍ତି। ତାଙ୍କ ଇନ୍ଷ୍ଟାଗ୍ରାମ୍ରେ ଅନେକ ଫଲୋୟର୍ସ ଅଛନ୍ତି। ସେ ସବୁବେଳେ ଜିମ୍ରେ କସରତ କରୁଥିବାର ଫଟୋ ପୋଷ୍ଟ କରିଥାନ୍ତି। ହେଲେ ସେ ଜିମ୍ ତ୍ୟାଗ କରିଦେଇଛନ୍ତି। ସେ ଏବେ ସମାଧି ସ୍ଥାନରେ ଏକ୍ସରସାଇଜ୍ କରୁଛନ୍ତି। ଅଣ୍ଡ୍ରିଆ ଜିମ୍ରେ ଲୋକଙ୍କ କଥା ଶୁଣିଶୁଣି ବିରକ୍ତ ହୋଇଯାଇଥିବାରୁ ସେ ଜିମ୍ ତ୍ୟାଗ କରିଥିବା ଜଣାପଡ଼ିଛି। ତାଙ୍କ କହିବା କଥା, ପୁରୁଷଙ୍କ ଭଳି ତାଙ୍କ ଶରୀର ପାଇଁ ଅନେକେ ତାଙ୍କ ମଜା ଉଡାନ୍ତି। ଏଥିପାଇଁ ସେ ଏବେ ଏକା ସମାଧି ସ୍ଥଳରେ ଆସି ଟ୍ରେନିଂ ଦେବା ଆରମ୍ଭ କରିଛନ୍ତି। ପ୍ରଥମେ ତାଙ୍କୁ ଗ୍ଲାମରସ୍ ରୂପରେ ସେଠାରେ ଟ୍ରେନିଂ ଦେବାକୁ ବାରଣ କରାଯାଉଥିଲା। ହେଲେ ଏବେ ସେ ସେଠାରେ ଅନେକଙ୍କୁ ଟ୍ରେନିଂ ଦେଉଛନ୍ତି। ତାଙ୍କ କହିବା କଥା ଯେ ସମାଧି ସ୍ଥଳ ବହୁତ ଶାନ୍ତ ସ୍ଥାନ। ଯେଉଁଠାରେ ମଣିଷ ଶାନ୍ତିର ଅନୁଭବ କରିପାରିବ। ସମାଧି ସ୍ଥଳରେ ସେ ଏକ୍ସରସାଇଜ୍ କରିବା ସହ ପ୍ରକୃତିକୁ ମଧ୍ୟ ଉପଭୋଗ କରୁଥିବା କହିଛନ୍ତି।
