ଗାନ୍ଧୀନଗର,୨୮।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଦିନିଆ ଗୁଜରାଟ ଗସ୍ତରେ ଅଛନ୍ତି। ଶୁକ୍ରବାର ତାଙ୍କ ଗସ୍ତର ଦ୍ୱିତୀୟ ଦିନ ଗାନ୍ଧିନଗରରେ ମହାତ୍ମା ମନ୍ଦିର ସମ୍ମିଳନୀ କେନ୍ଦ୍ରରେ ସେମିକଣ୍ଡକ୍ଟର ଶିଳ୍ପ ଉପରେ ଆଧାରିତ ଏକ ପ୍ରଦର୍ଶନୀ ଉଦଘାଟନ କରିଥିଲେ। ଏଠାରେ ପ୍ରଧାନମନ୍ତ୍ରୀ କହିଛନ୍ତି, ସେମିକଣ୍ଡକ୍ଟଇଣ୍ଡିଆ ମାଧ୍ୟମରେ ଶିଳ୍ପ, ବିଶେଷଜ୍ଞ ଏବଂ ନୀତି ନିର୍ମାତାମାନଙ୍କ ସହିତ ସମ୍ପର୍କ ଅପଡେଟ୍ ହୋଇଥାଏ। ସମ୍ପର୍କରେ ସମନ୍ବୟ ପାଇଁ ଏହା ଆବଶ୍ୟକ। ଗତ ବର୍ଷ ଆମେ ସମସ୍ତେ ସେମିକଣ୍ଡକ୍ଟଇଣ୍ଡିଆର ପ୍ରଥମ ସଂସ୍କରଣରେ ଭାଗ ନେଇଥିଲୁ। ସେତେବେଳେ ଆଲୋଚନା ହେଉଥିଲା ଯେ ଭାରତରେ ସେମିକଣ୍ଡକ୍ଟର କ୍ଷେତ୍ରରେ କାହିଁକି ବିନିଯୋଗ ହେବ? ଏକ ବର୍ଷ ପରେ ଯେତେବେଳେ ଆମେ ବର୍ତ୍ତମାନ ସାକ୍ଷାତ କରୁଛୁ, ପ୍ରଶ୍ନ ବଦଳି ଯାଇଛି। ବର୍ତ୍ତମାନ କୁହାଯାଉଛି କାହିଁକି ନିବେଶ କରିବେ ନାହିଁ? ପ୍ରଶ୍ନ ବଦଳି ଯାଇଛି। ଏହି ପରିବର୍ତ୍ତନ ସମସ୍ତଙ୍କ ଉଦ୍ୟମରୁ ଆସିଛି।
ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, ଦୁଇ ବର୍ଷ ମଧ୍ୟରେ ଭାରତରୁ ଇଲେକ୍ଟ୍ରୋନିକ୍ସ ରପ୍ତାନି ଦ୍ୱିଗୁଣିତ ହୋଇଛି। ଏକଦା ମୋବାଇଲ ଫୋନ ଆମଦାନୀ କରୁଥିବା ଦେଶ ବର୍ତ୍ତମାନ ସେଗୁଡିକୁ ରପ୍ତାନି କରୁଛି। ଏକବିଂଶ ଶତାବ୍ଦୀର ଭାରତରେ ସମସ୍ତଙ୍କ ପାଇଁ ଅପାର ସୁଯୋଗ ଅଛି।
