ମୁମ୍ବାଇ,୨୧।୧୧: ମହାରାଷ୍ଟ୍ର ବିଧାନସଭା ନିର୍ବାଚନ ୨୦୨୪ ପାଇଁ ଭୋଟ ପ୍ରକ୍ରିୟା ସମାପ୍ତ ହୋଇଛି । ୨୮୮ ସିଟ ବିଶିଷ୍ଟ ମହାରାଷ୍ଟ୍ର ବିଧାନସଭାରେ କିଏ ସଂଖ୍ୟାଗରିଷ୍ଠତା ହାସଲ କରିବ ୨୩ ନଭେମ୍ବର ସା ସୁଦ୍ଧା ସ୍ପଷ୍ଟ ହୋଇଯିବ, କିନ୍ତୁ ଫଳାଫଳ ପୂର୍ବରୁ କିଏ ବାଜି ମାରିବସେନେଇ କଳ୍ପନା ଜଳ୍ପନା ଆରମ୍ଭ ହୋଇଯାଇଛି।
ଏକଜିଟ ପୋଲ ବ୍ୟତୀତ ମହାରାଷ୍ଟ୍ର ବିଧାନସଭା ନିର୍ବାଚନର ଫଳାଫଳକୁ ନେଇ ବେଟିଂ ବଜାର ମଧ୍ୟ କଳ୍ପନା କରୁଛି। ଏହି କ୍ରମରେ ଫାଲୋଦିି ବେଟିଂ ବଜାରର ଆକଳନ ସାମ୍ନାକୁ ଆସିଛି। ଯଦି ଆମେ ଏହି ଆକଳନକୁ ଦେଖିବା ତେବେ ଭାରତୀୟ ଜନତା ପାର୍ଟି (ଭାଜପା) ମହାରାଷ୍ଟ୍ରର ସବୁଠୁ ବଡ ଦଳ ଭାବରେ ଉଭା ହେଉଛି। କେବଳ ଭାଜପାକୁ ରାଜ୍ୟରେ ୯୦ ରୁ ୯୫ଟି ଆସନ ମିଳିପାରେ।
ଭାଜପା ପରେ ଏହାର ଗଠବନ୍ଧନ ସହଯୋଗୀ ଶିବସେନା (ଶନ୍ଦେ ଦଳ) ଦଳ ୩୬ରୁ ୪୦ ଟି ସିଟ ପାଇପାରନ୍ତି। ମହାୟୁତି ମିଳିତ ମଞ୍ଚରେ ଅନ୍ତର୍ଭୁକ୍ତ ତୃତୀୟ ଦଳ ଏନସିପି (ଅଜିତ ଦଳ) ୧୨ରୁ ୧୬ ଟି ସିଟ ଜିତିପାରେ। ଫଲୋଦିି ସଟ୍ଟା ବଜାର ଅନୁଯାୟୀ, ମହାରାଷ୍ଟ୍ରରେ ମହାୟୁତି ଗଠବନ୍ଧନ ୧୪୨-୧୫୧ଟି ଆସନ ଜିତି ମହାରାଷ୍ଟ୍ରରେ ସରକାର ଗଠନ କରୁଥିବା ଜଣାପଡିଛି।
ଫଲୋଦି ସଟ୍ଟା ବଜାର ବ୍ୟତୀତ ବିକାନେର ସଟ୍ଟା ବଜାର ଏବଂ ମହାଦେବ ଅନଲାଇନ ସଟ୍ଟା ବଜାର ମଧ୍ୟ ମହାରାଷ୍ଟ୍ର ବିଧାନସଭା ନିର୍ବାଚନ ଫଳାଫଳ ଉପରେ କିଛି ପୂର୍ବାନୁମାନ କରିଛନ୍ତି। ଏଥିରେ ମଧ୍ୟ ଭାରତୀୟ ଜନତା ପାର୍ଟିର ନେତୃତ୍ୱାଧୀନ ମହାୟୁତି ମିଳିତ ମଞ୍ଚ ସଂଖ୍ୟାଗରିଷ୍ଠତା ହାସଲ କରିବ ବୋଲି ଆଶା କରାଯାଉଛି।