ବିଶେଷକରି ଗ୍ରୀଷ୍ମଋତୁରେ ଖରଭୁଜ ବଜାରରେ ପ୍ରଚୁର ମାତ୍ରାରେ ବିକ୍ରି ହୋଇଥାଏ। ଏହି ଫଳ ଡି-ହାଇଡ୍ରେସନକୁ ରୋକିଥାଏ। କାରଣ ଏଥିରେ ୯୫ ପ୍ରତିଶତ ଜଳ ରହିଛି। ଆହୁରି ମଧ୍ୟ, ଏହି ଫଳରୁ ଅନେକ ପ୍ରକାରର ଭିଟାମିନ୍ ଏବଂ ମିନେରାଲ୍ସ ମିଳିଥାଏ। ଯେଉଁଥିପାଇଁ ଏହାର ଭଲ ଚାହିଦା ଥାଏ। ସମ୍ପ୍ରତି ଜାପାନରେ ଏକ ନିର୍ଦ୍ଦିଷ୍ଟ ପ୍ରଜାତିର ଦୁଇଟି ତରଭୁଜ ପ୍ରାୟ ୧୮ ଲକ୍ଷ ଲକ୍ଷ ଟଙ୍କାରେ ବିକ୍ରି ହୋଇଛି। ତେବେ ଜାଣନ୍ତୁ ଏହାର ସ୍ବତନ୍ତ୍ରତା ବିଷୟରେ…
ଜାପାନରେ ୟୁବାରୀ ଖରଭୁଜର ବହୁତ ଚାହିଦା ରହିଛି। ଏହି ଖରଭୁଜଗୁଡ଼ିକ ପ୍ରତିବର୍ଷ ଜାପାନରେ ନିଲାମ କରାଯାଏ। ଚଳିତବର୍ଷ ମଧ୍ୟ ଜାପାନର ଉତ୍ତର ହକ୍କାଇଡୋରେ ୨୭ ଲକ୍ଷ ୟେନ (୧୮ଲକ୍ଷ)ରେ କେବଳ ଦୁଇଟି ୟୁବାରୀ ଖରଭୁଜ କିଣାଯାଇଛି। ଏହି ନିଲାମର ଆୟୋଜକମାନେ କହିଛନ୍ତି ଯେ, ସମାନ ଆକାରର ଏହି ଖରଭୁଜ ସ୍ବାଦ ଏବଂ ଉଚ୍ଚ ଗୁଣ ପାଇଁ ବେଶ ପ୍ରସିଦ୍ଧ।
ଦୁନିଆର ସବୁଠାରୁ ମହଙ୍ଗା ଫଳ ମଧ୍ୟରୁ ୟୁବାରୀ ଖରଭୁଜ ଜାପାନର ୟୁବାରୀ ଅଞ୍ଚଳରେ ଚାଷ କରାଯାଏ। ଫଳର ଆକାର ଦେଖି ଏଠାରେ ଥିବା କୃଷକମାନେ ସୌନ୍ଦର୍ଯ୍ୟ ବିଷୟରେ ବହୁତ ସଚେତନ। ଭଲ ମୂଲ୍ୟରେ ନିଲାମ ପାଇଁ ଏହି ଫଳଗୁଡିକ ଅତି ଗୋଲାକାର ଏବଂ ସୁନ୍ଦର ହେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।