ହାଇଦ୍ରାବାଦ,୧୬।୪: ଲମ୍ବୋର୍ଗିନି ବିଶ୍ୱର ଦ୍ରୁତତମ ଏବଂ ମହଙ୍ଗା କାର ଭାବରେ ଜଣାଶୁଣା । ଅବଶ୍ୟ, ନିକଟରେ ଲମ୍ବୋର୍ଗିନି ଏହାର ଗତି ବ୍ୟତୀତ ଅନ୍ୟ କୌଣସି କାରଣରୁ ଲାଇମଲାଇଟକୁ ଆସିଥିଲା। ବାସ୍ତବରେ ତେଲଙ୍ଗାନାର ରାଜଧାନୀ ହାଇଦ୍ରାବାଦରେ ଏକ ଲମ୍ବୋର୍ଗିନି କାରରେ ନିଆଁ ଲାଗିଯାଇଥିଲା। ଏହାର ଭିଡିଓ ମଧ୍ୟ ସାମ୍ନାକୁ ଆସିଛି, ଯେଉଁଥିରେ କାରଟି ଜଳୁଥିବା ଦେଖିବାକୁ ମିଳିଛି। କୁହାଯାଇଛି ଯେ ନିଆଁ ଲଗାଇ ଦେଇଥିବା ଅଭିଯୁକ୍ତ କାର ମାଲିକଙ୍କ ନିକଟରୁ କିଛି ଟଙ୍କା ପାଇବାର ଥିଲା। ହେଲେ ଏହା ନ ମିଳିବାରୁ ସେ ଏହି ଦାମି କାରକୁ ବିଚ ରାସ୍ତାରେ ନିଆଁ ଲଗାଇ ଦେଇଛନ୍ତି।
ସୋମବାର ହାଇଦ୍ରାବାଦ ପୋଲିସ କହିଛି ଯେ ପୁରୁଣା କାର କିଣିବା ଏବଂ ବିକ୍ରୟ ସହ ଜଡିତ ଜଣେ ବ୍ୟକ୍ତିଙ୍କର ଲମ୍ବୋର୍ଗିନି କାର ମାଲିକଙ୍କ ସହ ବିବାଦ ହୋଇଥିଲା। ଏହା ପରେ ସେହି ବ୍ୟକ୍ତି କିଛି ଲୋକଙ୍କ ସହ ମିଶି ଏହି ମହଙ୍ଗା ଗାଡ଼ିଟିକୁ ରାସ୍ତାରେ ନିଆଁ ଲଗାଇ ଦେଇଥିଲେ। ପୋଡି ଯାଇଥିବା ଲମ୍ବୋର୍ଗିନି କାରର ମୂଲ୍ୟ ୧ କୋଟି ଟଙ୍କା ହେବ। ମିଳିଥିବା ସୂଚନା ଅନୁଯାୟୀ, ଏହି ଘଟଣା ହାଇଦ୍ରାବାଦର ପହରୀ ସରିଫ ଅଞ୍ଚଳରେ ଘଟିଛି। ଉକ୍ତ ଅଞ୍ଚଳର ବିମାନବନ୍ଦର ରୋଡରେ କାରଟି ଜଳିଯାଇଥିଲା।
हैदराबाद के पहाड़ी शरीफ इलाके में कुछ लोगों ने पैसों के विवाद के चलते Lamborghini ही फूंक डाली. कार के मालिक के ऊपर कुछ पैसा बकाया था….उधार देने वाले शख्स कार के खरीददार बनकर उसके पास पहुंचे और कार को एयरपोर्ट रोड पर ले जाकर आग लगा दी.#hyderabad #telnagana #lamborghini #fire… pic.twitter.com/OaaHeqpidg
— ABP News (@ABPNews) April 15, 2024
