![](https://www.dharitri.com/wp-content/uploads/2021/10/uk.jpg)
ପ୍ୟୋଙ୍ଗୟାଙ୍ଗ,୨୮।୧୦: ଗତ କିଛି ବର୍ଷ ଧରି ଉତ୍ତର କୋରିଆରେ ଖାଦ୍ୟ ସଙ୍କଟ ଦେଖାଦେଇଛି। କିନ୍ତୁ ଏହି ସମୟରେ ଉତ୍ତର କୋରିଆର ଅବସ୍ଥା ଅତ୍ୟନ୍ତ ଖରାପ ହୋଇଯାଇଛି। ଏକ ରିପୋର୍ଟ ଅନୁଯାୟୀ, ଦେଶରେ ମାତ୍ର ୨ ମାସ ଖାଦ୍ୟ ବାକି ଅଛି। ପରିସ୍ଥିତି ଏପରି ହୋଇଛି ଦେଶର ଏକଛତ୍ରବାଦୀ ଶାସକ କିମ ଜୋଙ୍ଗ ଉନ ନିଜେ ଏହା ସ୍ବୀକାର କରି ଲୋକଙ୍କୁ କମ ଖାଇବାକୁ ନିର୍ଦ୍ଦେଶ ଦେଇଛନ୍ତି। ଉତ୍ତର କୋରିଆରେ ଚିନି, ତେଲ ଏବଂ ମଇଦା ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି।
ଉତ୍ତର କୋରିଆରେ ମୁଦ୍ରାସ୍ଫୀତି ହୋଇଛି
କଫି – କିଲୋଗ୍ରାମ ପାଇଁ ୭୩୦୦ ଟଙ୍କା
ଚା ପତି – କିଲୋଗ୍ରାମ ପାଇଁ ୫୧୦୦ ଟଙ୍କା
ସାମ୍ପୁ ବୋତଲ – ୧୪୦୦୦ ଟଙ୍କା
ମକା – କିଲୋଗ୍ରାମ ପାଇଁ ୨୦୪ ଟଙ୍କା
କଦଳୀ – କିଲୋଗ୍ରାମ ପାଇଁ ୩୩୦୦ ଟଙ୍କା
ଉତ୍ତର କୋରିଆରେ ମଧ୍ୟ ଏକ ଗମ୍ଭୀର ସାର ସଙ୍କଟ ରହିଛି। କରୋନା ମହାମାରୀକୁ ଏଡାଇବା ପାଇଁ ଉତ୍ତର କୋରିଆ ପ୍ରଶାସନ ଜାନୁୟାରୀ ୨୦୨୦ରେ ଏହାର ସୀମାକୁ ସମ୍ପୂର୍ଣ୍ଣ ଭାବେ ସିଲ କରିଥିଲା। ସେବେଠାରୁ ଏହି ଦେଶରେ ଖାଦ୍ୟ, ଇନ୍ଧନ ଏବଂ ଅନ୍ୟାନ୍ୟ ଦୈନ ନନ୍ଦିନ ଆବଶ୍ୟକତାର ଅଭାବ ଦେଖାଦେଇଛି। ଏହା ବ୍ୟତୀତ କିମ ଜୋଙ୍ଗ ଉନ ମଧ୍ୟ ତାଙ୍କ ମନୋଭାବ ହେତୁ ଆନ୍ତର୍ଜାତୀୟ ଦଣ୍ଡର ସମ୍ମୁଖୀନ ହେଉଛନ୍ତି।