ଭାରତୀୟ କ୍ରିକେଟ ଦଳର ପୂର୍ବତନ ଓପନର୍ ବୀରେନ୍ଦ୍ର ସେହ୍ବାଗ ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା। ସମସ୍ତ ପ୍ରକାର କ୍ରିକେଟର ୍ବିପଜ୍ଜନକ ବ୍ୟାଟ୍ସମ୍ୟାନ ସେହ୍ବାଗ ଆରମ୍ଭରୁ ପ୍ରତିପକ୍ଷଙ୍କୁ ଆକ୍ରମଣ କରିବାକୁ ଭଲ ପାଉଥିଲେ। ସେ ପ୍ରାୟତଃ ପ୍ରଥମ ବଲରେ ଚୌକା-ଛକା ମାରି ନିଜର ଇନିଂସ ଆରମ୍ଭ କରିବାକୁ ପସନ୍ଦ କରୁଥିଲେ। ତାଙ୍କର ଭୟଙ୍କର ବ୍ୟାଟିଂ ପାଇଁ ବୋଲରମାନଙ୍କ ତାଙ୍କୁ ଡରୁଥିଲେ। ‘ନଜଫଗଡର ନବାବ’ ଭାବରେ ଜଣାଶୁଣା ସେହ୍ବାଗଙ୍କ ରେକର୍ଡ ଏବଂ ପରିସଂଖ୍ୟାନ ତାଙ୍କ ବ୍ୟାଟିଂକୁ ପ୍ରମାଣ କରିଥାଏ।
ପ୍ରଥମ ବଲରୁ ଚୌକା-ଛକା ପାଇଁ ସେହ୍ବାଗଙ୍କ ପ୍ରେମ ବିଷୟରେ ଅନେକେ ଜାଣିଥିବେ, ଖୁବ କମ ଲୋକ ଜାଣନ୍ତି ଯେ ସେହ୍ବାଗ ପାକିସ୍ତାନୀ ବୋଲରଙ୍କୁ ମାତ୍ର ୨ ବଲରେ ୨୧ ରନ ସଂଗ୍ରହ କରିଥିଲେ। ମାର୍ଚ୍ଚ ୧୩, ୨୦୦୪ ରେ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯାଇଥିବା ଏକଦିବସୀୟ ମ୍ୟାଚ ସମୟରେ ପାକିସ୍ତାନୀ ପେସର ରାଣା ନାଭେଦ-ଉଲ-ହାସନଙ୍କ ବଲରେ ସେହ୍ବାଗ ଏହି ପ୍ରଦର୍ଶନ କରିଥିଲେ। ଏହା ଭାରତର ଇନିଂସର ଏକାଦଶ ଓଭର ଥିଲା। ରାଣା ନାଭେଦ ଉଲ ହାସନ ବୋଲିଂ କରୁଥିଲେ। ସେ ନୋ ବଲ୍ରୁ ଓଭର ଆରମ୍ଭ କରିଥିଲେ। ସେହ୍ବାଗ ଏହି ବଲ୍ରୁ ଚୌକା ମାରିଥିଲେ। ପରବର୍ତ୍ତୀ ବଲ ପୁଣି ଥରେ ନୋ-ବଲ ଥିଲା, ଯାହା ସେହ୍ବାଗ ପୁଣି ଚୌକା ମାରିଥିଲେ। ଏହା ପରେ ରାଣା କ୍ରମାଗତ ତୃତୀୟ ନୋ-ବଲ ପକାଇ ଆଉ ଏକ ଭୁଲ କରିଥିଲେ। ତିନୋଟି ନୋ-ବଲ ପରେ ହିଁ ସେ ସଠିକ୍ ବଲ୍ ପକାଇଥିଲେ। ଯେଉଁଥିରୁ କୌଣସି ରନ ଆସି ନ ଥିଲା।ଏହା ପରେ, ପରବର୍ତ୍ତୀ ବଲ୍ ପୁନର୍ବାର ନୋ ପକାଇଥିଲେ, ଯାହା ସେହ୍ବାଗ ପୁଣି ଚୌକା ମାରିଥିଲେ। ନାଭେଦ ଉଲ ହାସନଙ୍କ ଦୁଃସ୍ବପ୍ନ ଏଠାରେ ଶେଷ ହୋଇ ନ ଥିଲା। ସେ ପୁଣି ଏକ ନୋ ବଲ ବୋଲିଂ କରିଥିଲେ। ଯେଉଁଥିରେ ସେହ୍ବାଗ ଚୌକା ମାରିଥିଲେ।ଏହିପରି, ସେହ୍ବାଗ ପ୍ରଥମ ଦୁଇଟି ବଲରେ ୨୧ ରନ ସ୍କୋର କରିବାରେ ସଫଳ ହୋଇଥିଲେ। ସେ ନିଜ ବ୍ୟାଟ ସହିତ ୧୬ ରନ ସଂଗ୍ରହ କରିଥିବାବେଳେ ୫ ରନ ନୋ ବଲ୍ରୁ ଆସିଥିଲା।