ଶ୍ରୀନଗର, ୨୦।୯: ଜମ୍ମୁ-କଶ୍ମୀରରେ ଭାରତ ପାକିସ୍ତାନ ନିୟନ୍ତ୍ରଣ ରେଖା(ଏଲ୍ଓସି)ରେ ଏକ ଡ୍ରଗ୍ସ୍ ର଼୍ୟାକେଟର ପର୍ଦ୍ଦାଫାଶ୍ ହୋଇଛି। ଅର୍ନିଆ ସେକ୍ଟରର ବୁଧଓ୍ବାରାଠାରୁ ବିଏସ୍ଏଫ୍ ଯବାନମାନେ ବିପୁଳ ପରିମାଣର ଡ୍ରଗ୍ସ୍ ଜବତ କରିଛନ୍ତି। ରବିବାର ଭୋର୍ ସମୟରେ ଜଣେ ବ୍ୟକ୍ତି ପାକିସ୍ତାନ ପଟୁ ଭାରତରେ ଅନୁପ୍ରବେଶ କରୁଥିବା ବିଏସ୍ଏଫ୍ ଯବାନମାନେ ଦେଖିଥିଲେ। ତାଙ୍କୁ ସତର୍କ ସୂଚନା ଦିଆଯାଇଥିଲା। ଏହି ସମୟରେ ପାକିସ୍ତାନ ଫରଓ୍ବାର୍ଡ ଫୋଷ୍ଟରୁ ଭାରତୀୟ ପୋଷ୍ଟଗୁଡ଼ିକୁ ଲକ୍ଷ୍ୟ କରି ଗୁଳଚାଳନା କରାଯାଇଥିଲା। ଭାରତୀୟ ସେନା ପକ୍ଷରୁ ଏହାର ଜବାବ ଦିଆଯାଇଥିଲା। ଭୟରେ ଅନୁପ୍ରବେଶ କରୁଥିବା ପାକିସ୍ତାନୀ ଜଣକ ଡ୍ରଗ୍ସ୍ ଏବଂ ନିଜ ବ୍ୟାଗ୍ ପକାଇ ଫେରାର ହୋଇଯାଇଥିଲେ। ବିଏସ୍ଏଫ୍ ପକ୍ଷରୁ ଅନୁପ୍ରବେଶକାରୀଙ୍କ ବ୍ୟାଗ୍ରୁ କନାରେ ବନ୍ଧା ହୋଇଥିବା ୫୮ ପ୍ୟାକେଟ ଡ୍ରଗ୍ସ ୨ଟି ଚାଇନା ପିସ୍ତଲ ଜବତ କରାଯାଇଛି। ପ୍ରାୟ ୬୦ କିଲୋଗ୍ରାମ୍ ଡ୍ରଗ୍ସ ଜବତ ହୋଇଥିବା ବିଏସ୍ଏଫ୍ କହିଛି। କେତେକ ଡ୍ରଗ୍ସ୍ ପ୍ୟାକେଟ ତଳେ ପଡ଼ିଥିବା ବିଏସ୍ଏଫ୍ ପକ୍ଷରୁ କୁହାଯାଇଛି। ଭାରତରେ ହେଉଥିବା ଡ୍ରଗ୍ସ୍ କାରବାରର ଚେର ପାକିସ୍ତାନ ପର୍ଯ୍ୟନ୍ତ ଲମିଥିବା ଏହା ଦ୍ୱାରା ସ୍ପଷ୍ଟ ହୋଇଛି। l ସେହିପରି ପାକିସ୍ତାନକୁ ଚାଇନା ଅସ୍ତ୍ରଶସ୍ତ୍ର ଯୋଗାଇ ଦେଉଥିବାର ପ୍ରମାଣ ମଧ୍ୟ ମିଳିଥିବା କୁହାଯାଉଛି।