ନୂଆଦିଲ୍ଲୀ,୩।୧୦: ବର୍ହିବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ଅକ୍ଟୋବର ୫ରୁ ୧୧ ପର୍ଯ୍ୟନ୍ତ ନ୍ୟୁଜିଲାଣ୍ଡ ଏବଂ ଅଷ୍ଟ୍ରେଲିଆ ଗସ୍ତ କରିବେ। ବର୍ହିବ୍ୟାପାର ମନ୍ତ୍ରୀଙ୍କ ନ୍ୟୁଜିଲାଣ୍ଡ ପ୍ରଥମ ଗସ୍ତ ହୋଇଥିବା ବେଳେ ଚଳିତ ବର୍ଷ ଅଷ୍ଟ୍ରେଲିଆ ଗସ୍ତ ହେଉଛି ଦ୍ୱିତୀୟ। ଅକ୍ଟୋବର ୬ରେ ଅକଲାଣ୍ଡରେ ପ୍ରଧାନମନ୍ତ୍ରୀ ଜସିଣ୍ଡା ଆର୍ଡର୍ନଙ୍କ ସହ ଏବଂ ନ୍ୟୁଜିଲାଣ୍ଡରେ ଭାରତୀୟ ସମ୍ପ୍ରଦାୟର ସଦସ୍ୟମାନଙ୍କୁ ସେମାନଙ୍କର ଅସାଧାରଣ ସଫଳତା ଏବଂ ଅବଦାନ ପାଇଁ ସମ୍ମାନିତ କରିବେ। ଏହାପରେ ଦୁଇ ନେତା ନ୍ୟୁଜିଲାଣ୍ଡରେ ଆଜାଦୀର ଅମୃତ ମହୋତ୍ସବ ପାଳନ କରିବା ସହ ପ୍ରଦର୍ଶନ କରିବା ପାଇଁ ଭାରତ @ ୭୫ ଡାକ ଟିକଟେ ଜାରି କରିବେ। ଏଥିସହ ବର୍ହିବ୍ୟାପାର ମନ୍ତ୍ରୀ ‘ମୋଦି@୨୦: ଡ୍ରିମ୍ସ ମିଟ ଡେଲିଭରୀ’ ପୁସ୍ତକ ଉନ୍ମୋଚନ କରିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶିଖ ସମ୍ପ୍ରଦାୟ ସହିତ ସ୍ବତନ୍ତ୍ର ବନ୍ଧନକୁ ପ୍ରଦର୍ଶିତ କରୁଥିବା ପୁସ୍ତକ ହାର୍ଟଫେଲ୍ଟ-ଦ ଲିଗେସୀ ଅଫ୍ ଫେଥ୍’ପୁସ୍ତକ ମଧ୍ୟ ଉନ୍ମୋଚନ କରିବେ। ଏହାପରେ ଜୟଶଙ୍କର ଅଷ୍ଟ୍ରେଲିଆ ଗସ୍ତ କରିବେ। ଏହି ଗସ୍ତ ସମୟରେ ବର୍ହିବ୍ୟାପାର ମନ୍ତ୍ରୀ ନ୍ୟୁଜିଲାଣ୍ଡ ଓ ଅଷ୍ଟ୍ରେଲିଆ ବୈଦେଶିକ ମନ୍ତ୍ରୀଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ।
