ଆଖିବୁଜା ଗୁଳିମାଡ: ଚାଲିଗଲା ୭ ଜୀବନ
6:41 amMarch 10, 2023March 10, 2023 / 07

ବର୍ଲିନ,୧୦।୩: ଜର୍ମାନୀ ସହର ହାମବର୍ଗରେ ଅଭାବନୀୟ ଘଟଣା ଘଟିଛି। ଏଠାରେ ଏକ ଚର୍ଚ୍ଚରେ ଗୁଳିମାଡ ଯୋଗୁ ୭ ଜଣଙ୍କ ମୃତ୍ୟୁ ଘଟିଛି। ଏହି ଘଟଣାରେ ଦୁଇ ଡଜନ ଲୋକ ଗୁରୁତର ଆହତ ହୋଇଥିଲେ। ଗତ ମାର୍ଚ୍ଚ ୫ରେ ଏହି ଘଟଣା ଘଟିଥିଲା। କିନ୍ତୁ ଜର୍ମାନୀ ପୋଲିସ ମାର୍ଚ୍ଚ ୯ରେ ଏହି ସୂଚନା ଦେଇଛନ୍ତି।
ପୋଲିସ ସୂଚନାନୁସାରେ, ଗ୍ରସବୋର୍ଷ୍ଟେଲ ଜିଲାର ଡେଲବୋଇଜ ଛକରେ ଥିବା ଏକ ଚର୍ଚ୍ଚରେ ଗୁଳି ବିନିମୟ ହୋଇଥିଲା। ସେଠାରେ ଏବେ ବି ଆଲର୍ଟ ଜାରି ରହିଛି। ସ୍ଥାନୀୟ ବାସିନ୍ଦାଙ୍କୁ ଘର ଭିତରେ ରହିବାକୁ ଏବଂ କେବଳ ଆବଶ୍ୟକ ସମୟରେ ଫୋନ ବ୍ୟବହାର କରିବାକୁ କୁହାଯାଇଛି। ଏହି ଆକ୍ରମଣ ପଛର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।