ସରସ୍ବତୀ ପୂଜା ୧୬ ଫେବୃୟାରୀରେ ପଡ଼ୁଛି। ଏହି ପୂଜାକୁ ବସନ୍ତ ପଞ୍ଚାମୀ ମଧ୍ୟ କୁହାଯାଏ। ଏହି ଦିନ ସିଦ୍ଧିଧାତ୍ରୀ ମା’ ବୀଣାପାଣିଙ୍କୁ ପୂଜା କରାଯାଏ। ଜାଣନ୍ତୁ ମା’ଙ୍କ ପୂଜା ବିଦ୍ଧି…
ଏହି ଉପାୟରେ ମା’ଙ୍କୁ ପୂଜାକଲେ କୃପା ମିଳିବା ସହ ବିଦ୍ୟା ଅର୍ଜନ କରିଥାଆନ୍ତି ଛାତ୍ରୀଛାତ୍ର।
ମାତା ସରସ୍ବତୀଙ୍କୁ ପୂଜା କରିବା ପୂର୍ବରୁ ପ୍ରଥମେ ମା’ଙ୍କ ପ୍ରତିମୂର୍ତ୍ତିକୁ ରଖନ୍ତୁ। ପରେ ପ୍ରଭୁ ଗଣେଶ ଏବଂ ନବଗ୍ରହଙ୍କୁ କଳସ ସହ ସ୍ଥାପନ କରି ଉପାସନା କରନ୍ତୁ। ଏହା ପରେ ଦେବୀଙ୍କୁ ପୂଜା କରନ୍ତୁ। ପୂଜା କରିବାବେଳେ ସର୍ବପ୍ରଥମେ ତାଙ୍କୁ ଜଳସ୍ନାନ କରାନ୍ତୁ। ଏହା ପରେ, ମାତାଙ୍କୁ ହଳଦିଆ ଫୁଲ ଅର୍ପଣ କରନ୍ତୁ। ଏହା ସହିତ ସରସ୍ବତୀ ଦେବୀଙ୍କୁ ହଳଦିଆ ରଙ୍ଗର ସୁନ୍ଦର ବିନ୍ଦି ପିନ୍ଧାନ୍ତୁ। ବିଦ୍ୟାଦାତ୍ରୀ ଝୀନ ବସନ ପରିଧାନ କରନ୍ତି। ତେଣୁ ଧଳା ପୋଷାକ ପିନ୍ଧାନ୍ତୁ। ଏହା ବ୍ୟତୀତ ବାଗ୍ଦେବୀଙ୍କୁ ପୂଜା କରିବାବେଳେ ଆପଣ ହଳଦିଆ ଫଳ ମଧ୍ୟ ଭୋଗ କରିବା ଭଲ। ଏପରି କଲେ ମା’ ଖୁସି ହୋଇ କୃପା କରନ୍ତି ବୋଲି ବିଶ୍ୱାସ ରହିଛି।
