ନୂଆଦିଲ୍ଲୀ,୧୪।୩: ଫେସବୁକର ପ୍ୟାରେଣ୍ଟ କମ୍ପାନୀ ମେଟା ପ୍ଲାଟଫର୍ମ(ମେଟା.ଓ) ଆଉ ଏକ ପ୍ରମୁଖ ଛଟେଇ ଘୋଷଣା କରିଛି। ୧୧ ହଜାର କର୍ମଚାରୀଙ୍କୁ ଛଟେଇ କରିବାର ଚାରି ମାସ ପରେ ଆଉ ୧୦ ହଜାର ଚାକିରି ହ୍ରାସ କରିବ ବୋଲି ମେଟା କହିଛି। ତେବେ ମେଟା ହେଉଛି ପ୍ରଥମ ବଡ ଟେକ୍ କମ୍ପାନୀ ଯାହାକି ଦ୍ୱିତୀୟ ପର୍ଯ୍ୟାୟ ଛଟେଇ ଘୋଷଣା କରିଛି।
ସିଇଓ ମାର୍କ ଜୁକରବର୍ଗ କର୍ମଚାରୀମାନଙ୍କୁ ଏକ ବାର୍ତ୍ତାରେ କହିଛନ୍ତି ଯେ ଆମେ ଆମ ଟିମ୍ରୁ ପ୍ରାୟ ୧୦,୦୦୦ କର୍ମଚାରୀ ଯାଏ ହ୍ରାସ କରୁଛୁ। ଏଥିସହ ପ୍ରାୟ ୫,୦୦୦ ଅନୁପଯୁକ୍ତ ପଦବୀ ବନ୍ଦ କରିବାକୁ ଯାଉଛୁ।