ମୁମ୍ବାଇ,୮।୫: ଆଇପିଏଲ ୨୦୨୨ର ୫୪ତମ ମ୍ୟାଚ ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ସନରାଇଜର୍ସ ହାଇଦ୍ରାବାଦ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯାଉଛି। ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ନିର୍ଦ୍ଧାରିତ ଓଭରରେ ୩ ଉଇକେଟ୍ ହରାଇ ୧୯୨ ରନ୍ କରିଛି। ଫଳରେ ସନରାଇଜର୍ସ ହାଇଦ୍ରାବାଦକୁ ଜିତିବା ପାଇଁ ୧୯୩ ରନ୍ର ଟାର୍ଗେଟ୍ ମିଳିଛି। ଆରସିବି ପ୍ରଥମ ବଲରେ ବିରାଟ କୋହଲିଙ୍କ ଉଇକେଟ ହରାଇବା ପରେ ଅଧିନାୟକ ଫାଫ ଡୁ ପ୍ଲେସିସ ଏବଂ ରଜତ ପାଟିଦାର ମିଳିତ ଭାବେ ଦଳକୁ ବିପର୍ଯ୍ୟୟ ଉଦ୍ଧାର କରିଥିଲେ। ଦ୍ୱିତୀୟ ଉଇକେଟ ପାଇଁ ଉଭୟ ଦ୍ରୁତ ଶତକୀୟ ଭାଗିଦାରୀ କରିଲେ। ରଜତ ୪୮ ରନ ଆଉଟ୍ ହୋଇଥିଲେ। ଡୁ ପ୍ଲେସିସ ୭୩ ରନ୍ରେ ଅପରାଜିତ ରହିଥିଲେ। ଏହା ବ୍ୟତୀତ ଗ୍ଲେନ ମ୍ୟାକ୍ସୱେଲ ଏବଂ ଦୀନେଶ କାର୍ତ୍ତିକ ଜୋରଦାର ବ୍ୟାଟିଂ କରି ଦଳର ସ୍କୋରକୁ ୧୯୨ରେ ପହଞ୍ଚାଥିଲେ। ମ୍ୟାକ୍ସୱେଲ ୨୪ଟି ବଲରେ ୩୩ରନ ସଂଗ୍ରହ କରିଥିବାବେଳେ କାର୍ତ୍ତିକ ଆଠଟି ବଲରେ ୩୦ ରନରେ ଅପରାଜିତ ରହିଥିଲେ।
