ବମ୍ବେ: ଶୋ’ ଛାଡ଼ିବେ ଅଭିନେତା ଫହମାନ ଖାଁ। ଲୋକପ୍ରିୟ ଧାରାବାହିକ ‘ଇମଲି’ରେ ତାଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳୁଥିଲା। ହେଲେ ଏବେ ନିର୍ମାତା ଏହାର ଦ୍ୱିତୀୟ ସିଜନ୍ ଆଣିବାକୁ ଯୋଜନା କରୁଛନ୍ତି। ଅର୍ଥାତ ଧାରାବାହିକରେ ଏବେ ପିଲାମାନଙ୍କୁ ବଡ଼ ହୋଇଥିବା ଦେଖିବାକୁ ମିଳିବ।
ଷ୍ଟାର ପ୍ଲସରେ ପ୍ରସାରିତ ଅନ୍ୟତମ ସଫଳ ଶୋ’ ମଧ୍ୟରୁ ଗୋଟିଏ ହେଉଛି ‘ଇମଲି’। ଟିଆର୍ପି ତାଲିକାରେ ଏହା ଟପ୍-୫ରେ ରହିଆସିଛି। ବିଶେଷ ଭାବେ ଫହମାନ ଏବଂ ସୁମ୍ବୁଲ ତୌକିର ଖାଁଙ୍କ ଯୋଡ଼ି ଦର୍ଶକଙ୍କୁ ବେଶ ପସନ୍ଦ ଆସୁଥିଲା। ହେଲେ ଏବେ ଫହମାନ ଆଉ ବେଶି ଦିନ ନଜର ଆସିବେ ନାହିଁ। ଖୁବ୍ଶୀଘ୍ର ସେ ବିଦାୟ ନେବେ। ମାତ୍ର ସୁମ୍ବୁଲ ‘ଇମଲି-୨’ରେ ମଧ୍ୟ ପ୍ରମୁଖ ଭୂମିକା ତୁଲାଇବେ ବୋଲି ଶୁଣିବାକୁ ମିଳୁଛି।