ବରଗଡ଼ ଅଫିସ,୪।୧୦: ବରଗଡ଼ ଜିଲା ବରପାଲି ବ୍ଲକରେ ଅବସ୍ଥାପିତ ପଞ୍ଚାୟତ ନିର୍ବାହୀ ଅଧିକାରୀ ଦେବାନନ୍ଦ ପଣ୍ଡାଙ୍କୁ ଚାକିରୀରୁ ବହିଷ୍କୃତ କରାଯାଇଛି। ଜାଲ ଶିକ୍ଷାଗତ ଯୋଗ୍ୟତା ପ୍ରମାଣ ପତ୍ର ଦେଇ ପଞ୍ଚାୟତ ନିର୍ବାହୀ ଅଧିକାରୀ ପଦବୀ ହାତେଇଥିବା ନେଇ ପ୍ରଶାସନିକ ତଦନ୍ତରୁ ଜଣାପଡିଛି।
ବରଗଡ଼ ଟ୍ରଷ୍ଟଫଣ୍ଡ କଲେଜରୁ ପଣ୍ଡା ୯୦୦ ମାର୍କରୁ ୩୫୧ ମାର୍କ ପାଇ ଥାର୍ଡ ଡିଭିଜନରେ ପାସ୍ କରିଥିଲେ। କିନ୍ତୁ ଚାକିରୀ ପାଇଁ ଆବେଦନ କରିଥିବା ସମୟରେ ଦାଖଲ କରିଥିବା ଶିକ୍ଷାଗତ ପ୍ରମାଣ ପତ୍ରରେ ୭୮୯ ମାର୍କ ସହିତ ଫାଷ୍ଟ ଡିଭିଜନରେ ଯୁକ୍ତଦୁଇ ବିଜ୍ଞାନ ପାସ୍ କରିଥିବା ଉଲ୍ଲେଖ ରହିଥିଲା। ତେବେ ଏହି ଜାଲିଆତି ଧରାପଡିବା ପରେ ତାଙ୍କୁ ପ୍ରଥମେ ନିଲମ୍ବିତ କରାଯାଇଥିଲା। ତଦନ୍ତ ପ୍ରକ୍ରିୟା ଶେଷ ପରେ ଦେବାନନ୍ଦଙ୍କୁ ଚାକିରୀରୁ ଜିଲାପାଳ ମୋନିଷା ବାନାର୍ଜୀ ବହିଷ୍କୃତ କରିଛନ୍ତି।
