ବ୍ରହ୍ମପୁର ଅଫିସ , ୨୬।୧ – ଗଞ୍ଜାମ ଜିଲାର ସହର ଓ ସହର ତଳି ଅଞ୍ଚଳରୁ ନକଲି ସାମଗ୍ରୀ ପ୍ରସ୍ତୁତ କାରଖାନା ଠାବ ହେବା ବନ୍ଦ ହେଉନାହିଁ। ଖାଦ୍ୟ ନା ’ରେ ବିକ୍ରି ହେଉଛି ଚକଚକିଆ ପ୍ୟାକେଟ। ହେଲେ ଖୋଳପା ଭିତରେ ବିଷ। ପ୍ରଥମେ ମସଲାଗୁଣ୍ଡ, ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ପରେ ଚା ପତି, ତା ପରେ ନକଲି ସସ, ପରେ ନକଲି ପାଣି ବୋତଲ, ପରେ ଖାଇବା ତେଲ ଓ ମଙ୍ଗଳବାର ସଦର ଥାନା ପୋଲିସ ରାଉଳ ସୁକୁଣ୍ଡା ଗ୍ରାମରେ ଏକ ଘରେ ପ୍ରସ୍ତୁତ ହେଉଥିବା ନକଲି କୋଲ୍ଡ ଡିଙ୍କ୍ସ କାରଖାନାରେ ଚଢ଼ାଉ କରିଥିଲା। ସେଠାରୁ ବିପୁଳ ପରିମାଣର ନକଲି କୋଲ୍ଡ ଡ୍ରିଂକ୍ସ ଓ ଖାଲି ବୋତଲ, ଠିପି, ମେଶିନ ଓ ଲେବଲ୍ ଜବତ କରିଛି । ଘଟଣାରେ ସମ୍ପୃକ୍ତ ମାଲିକ ବଂଶୀଧର ପାତ୍ର ଙ୍କୁ ଥାନାକୁ ଆଣି ପୋଲିସ ଏବେ ଜେରା କରୁଥିବା ସୂଚନା ମିଳିଛି।