ଭଦ୍ରକ ଅଫିସ, ୧୩।୧: ଓଡ଼ିଶାର ଦ୍ୱିତୀୟ ସର୍ବପୁରାତନ ଭଦ୍ରକ ସ୍ବୟଂଶାସିତ ମହବିଦ୍ୟାଳୟରେ ନକଲି ଦିବ୍ୟାଙ୍ଗ ସାର୍ଟିଫିକେଟ ଦେଇ ୩ବର୍ଷ ମଧ୍ୟରେ ଶତାଧିକ ଛାତ୍ରୀଛାତ୍ର ପାଠ ପଢ଼ିଛନ୍ତି। ଏହି ଘଟଣାରେ ବିଜେଡି ଲିଙ୍କ ରହିଥିବାରୁ ଆର୍ଟିଆଇ ତଥ୍ୟ ମାଗିଥିବା ଛାତ୍ରଙ୍କୁ ଧମକ ଦିଆଯାଉଥିବା ନେଇ ଟାଉନ ଥାନାରେ ଅଭିଯୋଗ ହୋଇଛି। ଆର୍ଟିଆଇ ତଥ୍ୟ ବଳରେ ଏହି ଘଟଣା ପଦାକୁ ଆସିଥିବାରୁ ଆର୍ଟିଆଇ ମାଗିଥିବା ଡିଜେ ଦୀପ୍ତୀମନ ଜେନା, ଜ୍ଞାନରଞ୍ଜନ ପରିଡ଼ା ଓ ସତ୍ୟଜିତ ରାଉତ, ଅଭିନାଶ ରାମ ପ୍ରମୁଖଙ୍କୁ ହତ୍ୟା ଧମକ ଦିଆଯାଉଥିବା ନେଇ ଭଦ୍ରକ ଟାଉନ ଥାନାରେ ମଙ୍ଗଳବାର ଅଭିଯୋଗ ହୋଇଥିଲା। ଏନେଇ ଟାଉନ ପୋଲିସ ପକ୍ଷରୁ ହତ୍ୟା ଧମକ ଦେଇଥିବା ୫ ଜଣଙ୍କ ନାଁରେ ଏକ ମାମଲା (ନଂ ୧୭/୨୨) ରୁଜୁ କରାଯାଇଥିବା ଥାନା ଅଧିକାରୀ ଉମାଶଙ୍କର ନାୟକ ସୂଚନା ଦେଇଛନ୍ତି।
