ଗାଜିଆବାଦ,୨୬।୧୦-ଉତ୍ତରପ୍ରଦେଶର ଗାଜିଆବାଦ ପୋଲିସ ଜଣେ ନକଲି ଆଇଏଏସଙ୍କୁ ସୋମବାର ଖୋଦା ଅଞ୍ଚଳରୁ ଗିରଫ କରିଛି। ଗିରଫ ଯୁବକ ଜଣକ ହେଲେ ଅଭିଷେକ ଚୌବେ।
ପୋଲିସ କହିଛି, ଅଭିଷେକ ଗୃହ ମନ୍ତ୍ରଣାଳୟରେ ଏକ ବର୍ଷ ଟାଇପିଷ୍ଟ ଭାବରେ କାର୍ଯ୍ୟ କରିଥିଲେ। ଏହି ସମୟ ମଧ୍ୟରେ ସେ କିପରି ପ୍ରଶାସନିକ କାର୍ଯ୍ୟ କରିବେ ସେଠାରୁ ଶିଖିଥିଲେ। ଗୃହ ମନ୍ତ୍ରଣାଳୟରେ ଟାଇପିଂ କାମ ଛାଡିବା ପରେ ଅଭିଷେକ ନିଜକୁ ଆଇଏଏସ କହି ବରିଷ୍ଠ ଅଧିକାରୀମାନଙ୍କୁ ଫୋନରେ ନିଜେ କାମ କରିବାକୁ ନିର୍ଦ୍ଦେଶ ଦେଉଥିଲେ।