ଦେବଗଡ଼,୧୮।୧୨(ଡି.ଏନ୍.ଏ.): ଢେଙ୍କାନାଳରୁ ଜାଲ ନୋଟ ଜବତ ଘଟଣାରେ ଦେବଗଡ଼ରୁ ଆଉ ଦୁଇ ଅଭିଯୁକ୍ତଙ୍କୁ ଗିରଫ କରିଛି ପୋଲିସ। ସେମାନେ ହେଲେ ଦେବଗଡ ବରପାଳି ସାହିର ବିଶ୍ୱନାଥ ଆଚାର୍ଯ୍ୟ(କାଳିଆ) ଏବଂ ଗୁରୁସାହିରେ ରହୁଥିବା ତ୍ରିନାଥ ଦାଶ। ଅଭିଯୁକ୍ତଙ୍କ ପାଖରୁ ଜାଲ ନୋଟ ତିଆରିରେ ବ୍ୟବହୃତ କାଗଜ, ଲାପଟପ୍ ଏବଂ ୨ଟି ପ୍ରିଣ୍ଟର ଜବତ କରାଯାଇଛି । ଉଭୟ ଏହି ର଼୍ୟାକେଟ୍ର ମାଷ୍ଟର ମାଇଣ୍ଡ ହୋଇଥିବା ବେଳେ ଆଉ କେଉଁମାନେ ଏଥିରେ ସାମିଲ ଅଛନ୍ତି ସେନେଇ ପୋଲିସ ଅଧିକ ଖୋଳତାଡ଼ କରୁଛି ।
ଢେଙ୍କାନାଳ ରଥପଡା ନିକଟରେ ଜାଲ ନୋଟ କାରବାର ବେଳେ ଢେଙ୍କାନାଳ ପୋଲିସ ସହ ଏସ୍ଟିଏଫ୍ ଚଢାଉ କରି ଦେବଗଡ଼ରୁ ବଣିଆକିଲିଣ୍ଡା ନିକଟସ୍ଥ ଏକ ଢାବାରୁ ୧ ଲକ୍ଷ ୯୦ ହଜାର ୬୦୦ ଟଙ୍କା ଜାଲ ନୋଟ ଜବତ କରିଥିଲା। ଏଥିସହ ଘଟଣାରେ ଦେବଗଡ଼ କଚେରିସାହିର ତୁଷାର କୁମାର ବିଶ୍ୱାଳଙ୍କୁ ଗିରଫ କରିଥିଲା । ଢେଙ୍କାନାଳ ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ କରୁଥିବା ବେଳେ ଜାଲ ନୋଟ କାରବାରରେ ସାମିଲ ଥିବା ଆଉ ୨ ଅଭିଯୁକ୍ତକୁ ଗିରଫ କରିଛି। ଗିରଫ ଅଭିଯୁକ୍ତଙ୍କ ନାମରେ ପୂର୍ବରୁ ବିଭିନ୍ନ ଅପରାଧିକ ମାମଲା ରହିଛି। କିଛି ମାସ ପୂର୍ବରୁ ତ୍ରିନାଥ ଡକାୟତି ମାମାଲାରେ ଗିରଫ ହୋଇ ଜେଲରୁ ଜାମିନରେ ଆସିଥିବା ପୋଲିସ ସୂଚନା ଦେଇଛି ।