ଝାରସୁଗୁଡା ଅଫିସ,୨୯।୭: ଝାରସୁଗୁଡା ଜିଲାପାଳଙ୍କ ନାମରେ ଏକ ନକଲି ହ୍ବାଟ୍ସଆପ୍ ଆକାଉଣ୍ଟ ଖୋଲାଯାଇଛି। ଏନେଇ ଝାରସୁଗୁଡ଼ା ଜିଲାପାଳ ସରୋଜ କୁମାର ସାମଲ ଟୁଇଟ କରି ଏହି ସୂଚନା ଦେଇଛନ୍ତି। ଜିଲାପାଳ ଟ୍ବିଟ କରି କହିଛନ୍ତି ଯେ, “ମୋ ନାଁ ଏବଂ ଫଟୋକୁ ବ୍ୟବହାର କରି ଏକ ନକଲି ହ୍ବାଟ୍ସଆପ ଆକାଉଣ୍ଟ ଖୋଲାଯାଇଛି । ଏଥିରେ ଜିଲାର କେତେକ ଅଧିକାରୀ ଏବଂ ଅନ୍ୟ କେତେକ ଅଣ-ସରକାରୀ କ୍ୱାଟର୍ସକୁ ଏକ ର୍ନିଦ୍ଦିଷ୍ଟ ଲିଙ୍କରେ ଆମାଜନ ଉପହାର କାର୍ଡ ଭାଉଚର ବାଣ୍ଟିବାକୁ କୁହାଯାଇଛି। ଏହାକୁ ନେଇ ଜିଲାବାସୀ ଏବଂ ଅଧିକାରୀ ସାବଧାନ ରୁହନ୍ତୁ । କିଏ ଏପରି କରିଛନ୍ତି ଏନେଇ ଟ୍ରାକ କରିବାକୁ ଚେଷ୍ଟା କରାଯାଉଥିବା ଜିଲାପାଲ ଉଲ୍ଲେଖ କରିଛନ୍ତି। ଅନ୍ୟପକ୍ଷେ ରାଜ୍ୟରେ ସାଇବର ଅପରାଧ ବଡିବାରେ ଲାଗିଛି। ଲୋକଙ୍କୁ ଫେନ କରି ବିଭିନ୍ନ ପ୍ରଲୋଭନ ଦେଖାଇ ଆକାଉଣ୍ଟରୁ ଟଙ୍କା ଲୁଟି ନେଉଛନ୍ତି। ଏଭଳି ଅଭିଯୋଗ ଦିନକୁ ଦିନ ବଡିବାରେ ଲାଗିଛି। ଏନେଇ ଜନସାଧାରଣଙ୍କୁ ସତର୍କ ରହିବାକୁ ଜିଲାପ୍ରଶାସନ ପକ୍ଷରୁ କୁହାଯାଇଛି।